0 8000 12 11

Մարդու իրավունքների պաշտպանության անվճար թեժ գիծ
menu
slide1
Կարողությունների զարգացում

Դատարանը պարտավորեցրեց վերացնել Անուշ Պողոսյանի իրավունքների և ազատությունների խախտումը

September 28, 2018

Անուշ Պողոսյան | Գործունեություն | Իրավական աջակցություն | Իրավական աջակցություն | Իրավական պաշտպանության արդյունավետ միջոցի իրավունք | Նորություններ | Ռազմավարական գործեր

2018 թ. սեպտեմբերի 26-ին Երևան քաղաքի ընդհանուր իրավասության դատարանը բավարարեց հարկադիր կատարողների գործողությունների վերաբերյալ Անուշ Պողոսյանի ու նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի բողոքը:

 

Հարկադիր կատարողները 2016թ. հունվարի 16-ին ապօրինաբար վերսկսել էին կասեցված կատարողական վարույթներն ու փետրվարի 8-ին դրանց հիման վրա ներխուժել Անուշ Պողոսյանի բնակարան:

 

2016 թվականի հունվարի 22-ին վերսկսված կատարողական վարույթները կասեցվել էին, քանի որ Անուշ Պողոսյանը կատարողական վարույթները վերսկսելու գործողությունները ոչ իրավաչափ ճանաչելու պահանջով դիմել էր դատարան, և հայցը բավարարվել էր, սակայն ՀՀ ԱՆ ԴԱՀԿ ծառայությունը բողոքարկել է, և վերջնական որոշում դատարանը դեռևս չի կայացրել: Այդ գործով հերթական դատական նիստը նշանակված է 2018թ. հոկտեմբերի 8-ին:

 

Հարկադիր կատարողներն իրավունք չունեին վերսկսելու կատարողական վարույթներն այն դեպքում, երբ դրանց օրինաչափությունը վիճարկվում է դատարանում, բացի դրանից՝ ըստ Անուշ Պողոսյանի՝ հարկադիր կատարողները և պարտատերն իրավունք չունեին մուտք գործելու իր բնակարան և կատարելու այնտեղ գտնվող արգելադրված գույքի ստուգում։

 

Անուշ Պողոսյանը այդ մասին 2018 թ. փետրվարի 9-ին հանցագործության մասին հաղորդում էր ներկայացրել ՀՀ Հատուկ քննչական ծառայություն, սակայն ՀՀ Հատուկ քննչական ծառայությունը Անուշ Պողոսյանի գրությունը չէր դիտարկել որպես հանցագործության մասին հաղորդում: Այնուհետև Անուշ Պողոսյանը դիմում էր ներկայացրել ՀՀ Գլխավոր դատախազություն՝ հաղորդման հիման վրա քրեական գործ հարուցելու կամ նյութեր նախապատրաստելու հանձնարարություն տալու վերաբերյալ, սակայն այն չէր բավարարվել, և Անուշ Պողոսյանը դիմել էր դատարան:

 

2018 թ. սեպտեմբերի 26-ին, Երևան քաղաքի ընդհանուր իրավասության դատարանը բավարարեց բողոքն ու պարտավորեցրեց վարույթն իրականացնող մարմնին վերացնել Անուշ Պողոսյանի իրավունքների ու ազատությունների խախտումները:

 

դիտումներ: 346

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը