Հելսինկյան քաղաքացիական ասամբլեայի Վանաձորի գրասենյակ

Կառավարության վերջին նիստում վարչապետ Նիկոլ Փաշինյանը հայտարարել է, որ օրենքի հետ կապված հարցերում որևէ մեկը որևէ կոմպրոմիսի հույս չի կարող ունենալ, որովհետև մեր երկրի այսօրվա և ապագայի կարիքները հոգալու, պետության հնարավորության մասին է խոսքը։ Նա մասնավորապես նշել է, որ վերջապես լրահոսում տեսնում ենք, որ թափ է առնում մի գործընթաց, որի մասին մենք վերջին հինգ տարիների ընթացքում անընդհատ խոսել ենք, և որի բացակայության համար ամենաշատն ենք քննադատվել։ Խոսքն ապօրինի գույքի բռնագանձման մեխանիզմների մասին է։

Անդրադառնալով մի քանի նախկին պաշտոնյաների հայտարարություններին, թե գույքն իրենցն է և չեն պատրաստվում հետ վերադարձնել՝ Սաքունցը նշեց, որ բնական է, այդ մարդիկ միանգամից չեն համաձայնվելու, բայց պետք է կարողանան հիմնավորել, որ օրինական ճանապարհով են ձեռք բերել այդքան գույք:

«Պետության նկատմամբ ծառայությունը որևէ հանցագործություն չի կարող «ջրել»: Գույքի սեփականատերը պետք է հիմնավորի գույքի ձեռք բերման համար ֆինանսական միջոցների օրինականությունը»,-ասաց նա՝ հավելելով՝ հասարակությունը սպասելիք ունի այս գործընթացից, թե ոչ, այլ հարց է, շատ կարևոր է դատախաղության հետևողականությունը. օրենքի պահանջները պետք է կատարվեն, հակակոռուպցիոն դատարանները նոր են ձևավորված. այստեղ կա կարողությունների խնդիր: Սաքունցի դիտարկմամբ՝ շատ մեծ ուշադրություն պետք է դարձնել դատավորների պատրաստվածությանը: