Հելսինկյան քաղաքացիական ասամբլեայի Վանաձորի գրասենյակ

Վանաձոր խոշորացված համայնքի ժամանակավոր ղեկավարի պաշտոնում Արկադի Փելեշյանի նշանակումը միանշանակ չի ընդունվել:

Հիշեցնենք, որ վարչապետին Վանաձորի համայնքի ղեկավարի պաշտոնակատար նշանակելու լիազորություն խորհրդարանն էր տվել՝ ապրիլի սկզբին։ Իշխանական «Քաղաքացիական պայմանագիրն» էր նախաձեռնել օրենքի փոփոխությունը՝ հայտարարելով, թե սրանով կհանգուցալուծվի արդեն չորս ամիս ղեկավար չունեցող Վանաձորում ստեղծված բարդ իրավիճակը։

ՀՔԱ Վանաձորի գրասենյակի ներկայացուցիչ, ՏԻՄ օրենքի մասնագետ Վարդինե Գրիգորյանը իշխանության կողմից Արկադի Փելեշյանի Վանաձորի քաղաքապետի ԺՊ նշանակումը անհասկանալի է համարում: Գրիգորյանի խոսքով՝ Արկադի Փելեշյանի նշանակումը խոսում է ոչ թե իշխանության կադրային ճգնաժամի,այլ որ ջանք չեն թափում․ «Արկադի Փելեշյանը առեղծվածային կերպար է․ նա քաղաքական գործիչ չէ: Այսօր Վանաձորում Արկադի Փելեշյանի նույնիսկ կիսաքրեական հեղինակությունը արդեն չկա»: