Բանակային կյանքում բան չի փոխվել․ իրավապաշտպան

April 29, 2019

Հետհեղափոխական շրջանում բանակում հրադարադարի ռեժիմի խախտման դեպքերը նվազել են, սակայն զարմանալիոն ոչ մարտական պայմաններում մահացությունների թիվն է ավելանում։ Այս և այլ բանակին վերաբերող մտահոգություններով կիսվում է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաոունցը։

«Եթե նայենք ինքնասպանության և սպանության դեպքերը, 2017 թվականի հետ համեմատած չեն նվազել, ցավոք, փոփոխություն չեմ տեսնում։ Մեղրիի զորամասի դեպքը ցույց տվեց, որ հիմնավորումը փաստերով թերի է։ Ես չունեմ որևիցե երաշխիք, որ ուղղահայաց հարաբերությունները գոյություն չունեն այլ զորամասերում ևս։ Մեղրիի զորամասի դեպքը պետք է բազմակողմանի քննության արժանանա, որովհետև հարցեր են առաջանում, թե ոնց հայտնվեց գեներալի որդին այդ զորամասում։ Մեզ ասում են վիճակահանությամբ է որոշվում ծառայության վայրը։ Այդ զորամասում ստացվում է՝ հրամաննատարներն ավելի քիչ ազդեցություն ունեն զինվորների վրա, քան գեներալի որդին»։

Արթուր Սաքունցը կարծում է, որ պաշտպանության նախարարությունը ծառայողական քննություն պետք է նշանակի, և այդ նյութերը հրապարակային դառնան։ «Պատասխանատվության միջոցներ են կիրառվել զինվորների նկատմամբ՝ սահմանային գոտիներ տեղափոխելով։ Պետք է իրավական հիմքերը ցույց տրվեն։ Սա մարդու իրավունքներին վերաբերող հարցեր են, որոնք չպետք է ծառայողական գաղտնիք որակվեն»։