Հելսինկյան քաղաքացիական ասամբլեայի Վանաձորի գրասենյակ

Հաշվի առնելով, որ որևէ քաղաքականության իրական առաջնահերթությունների լավագույն ցուցիչն են դրանց համար նախատեսված ֆինանսական հատկացումները՝ գենդերային հավասարության ապահովմանն ուղղված պետական քաղաքականության կարևորագույն մաս է հանդիսանում բյուջետավորման գործընթացներում գենդերային բաղադրիչի ներդրումը:

Ընդ որում՝ գենդերային հավասարության ապահովմանն ուղղված պետական քաղաքականությունը ենթադրում է գործողությունների իրականացում թե՛ ազգային, թե՛ տեղական մակարդակներում: Համայնքային մակարդակում քաղաքականության իրականացումն ակնկալվում է տեղական ինքնակառավարման մարմիններից:

Համայնքային մակարդակում սույն քաղաքականության իրականացումը գնահատելու նպատակով Հելսինկյան Քաղաքացիական Ասամբլեայի Վանաձորի գրասենյակը Ազգային ժողովրդավարական ինստիտուտի օժանդակությամբ իրականացրել է «Երկու սեռերի կարիքների արտացոլումը Վանաձորի մարզադպրոցների կողմից մատուցվող ծառայություններում և բյուջետավորման գործընթացում» ծրագիրը՝ նպատակ ունենալով բացահայտել, թե արդյոք համայնքային ենթակայության սպորտային հաստատությունները հավասարապես հաշվի են առնում համայնքի շահառուների տարբեր խմբերի՝ մասնավորապես աղջիկների և տղաների շահերն ու կարիքները և, առհասարակ, որքանով են գենդերային հավասարության սկզբունքները կարևորվում սպորտի ոլորտում համայնքային քաղաքականության մեջ:

Զեկույցն ամբողջությամբ՝ ԱՅՍՏԵՂ