2016 թ. հուլիսի 17-ին ՀՀ Ոստիկանության ՊՊԾ գնդի գրավումից հետո տեղի ունեցած հավաքների մասնակից Հովհ. Ղազարյանի նկատմամբ ՀՀ Քրեական օրենսգրքի 225-րդ հոդվածի 2-րդ մասով (զանգվածային անկարգություններին մասնակցելը) իրականացվող քրեական հետապնդումը դադարեցվել է՝ հանցակազմի բացակայության հիմքով։
Հովհ․ Ղազարյանի իրավունքների պաշտպանությունն ստանձնել էր ՀՔԱ Վանաձորի գրասենյակի փաստաբան Անի Չատինյանը։ Վերջինիս միջնորդությամբ 2016 թ․֊ից կալանքի տակ գտնվող Հովհ․ Ղազարյանը 2017թ․ փետրվարի 13֊ին դատարանի որոշմամբ ազատ արձակվեց կալանքից։
Քրեական հետապնդումը դադարեցնելու մասին հայտարարություն է տարածել ՀՀ Հատուկ քննչական ծառայությունը։
Քրեական հետապնդումը դադարեցվել է նաև 2016 թ․ հուլիսին Սարի թաղում զանգվածային անկարգություններ կազմակերպելու մեջ մեղադրվող մի շարք այլ ցուցարարների նկատմամբ։
