Իրավապաշտպան Արթուր Սաքունցը ֆեյսբուքյան իր էջում գրել է. «Ահազանգ եմ հնչեցնում և շատ հիմնավոր.
Իրավապահ մարմիններում ոչ միայն շարունակում են գործել կոռուպցիոն սխեմաները, այլև այն իրագործողները դուրս են մղում կոռուպցիայի դեմ պայքարողներին։
Սա լուրջ ահազանգ պետք է լինի քաղաքական իշխանության համար, քանի որ գործ ունենք հակակոռուպցիոն պայքարի դիմադրության հետ, որն ուղղակի ծառայում է համակարգային կոռուպցիայի մերժված ռեժիմի ներկայացուցիչներին։
Պետք է ընդունենք, որ առանց վեթինգի իրականացման, նախկին կոռուպցիոն սխեմաները և նրանց կրողները գտնում են հարմարվողականության և լատենտային գոյատևման հնարքներ»:
