Իրավապաշտպան Արթուր Սաքունցը ՍԴ-ի հետ կապված հիմնական ճգնաժամը տեսնում է Սահմանադրության մեջ։ Այս մասին նա նշեց «ՍԴ շուրջ ճգնաժամի հանգուցալուծումը՝ առանց հանրաքվեի» թեմայով քննարկման ժամանակ։ «Եթե Սահմանադրության մեջ ինչ-որ փոփոխություն լինի, ապա այս, այսպես կոչված, լեգիտիմ Սահմանադրությամբ է գնահատելու այս Սահմանադրական դատարանը։ Սա փակուղի է։ Եթե ՍԴ-ի հարցը նույնիսկ լուծվի, այդ մեխանիզմը փակուղու մեջ է մտցնում, որովհետև ինչ էլ առաջարկես՝ հակասելու է գործող սահմանադրությանը»,- նշեց Սաքունցը։
