Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը երեկ տեղեկատվություն է ստացել այն մասին, որ Գագիկ Ծառուկյանին պատկանող «Արարատ ցեմենտ» գործարանի աշխատողներից պահանջում են մասնակցել բողոքի ակցիաներին, հակառակ դեպքում՝ կազատվեն աշխատանքից:
«Նաև հայտնեցին, թե կան մարդիկ, որոնք սեփական դիմումով ազատվել են աշխատանքից, չենթարկվելով ապօրինի պահանջին:
Այս տեղեկատվությունը հիմք է տալիս պնդելու, որ կատարվում են խաղաղ հավաքների մարդկանց իրավունքի խախտումներ:
Հատկապես կորոնավիրուսի համավարակի ռիսկերի պարագայում պետք է զերծ մնալ այնպիսի գործողություններից, որոնք կարող են վտանգի ենթարկել նաև մարդկանց առողջությունը», – Ֆեյսբուքի իր էջում գրել է իրավապաշտպանը։
Երեկ խորհրդարանը գաղտնի քվեարկությամբ օլիգարխին զրկեց անձեռնմխելիությունից, այնուհետև՝ հավանություն տվեց գլխավոր դատախազի մյուս՝ Ծառուկյանին ազատությունից զրկելու վերաբերյալ միջնորդությանը։
