Իրավապաշտպան Արթուր Սաքունցը ֆեյսբուքյան իր էջում գրել է. «Քանի դեռ կոռումպացվածներն ու քաղաքական հետապնդում իրականացնողները, ապատեղեկատվությամբ ընդդիմադիրներին, լրագրողներին ու իրավապաշտպաններին թիրախավորածները կշարունակեն մնալ, աշխատել ԱԱԾ-ում, արդյունավետ քաղաքական համակարգ չի կարող ձևավորվել։
Ապացույցը ԱԱԾ-ական նորաթուխ գեներալի, նրան աջակից ԱԱԾ-ականների ու ԱԱԾ-ական գործակալների քաղաքական հավակնություններն են։
Առավել արդիական է ԱԱԾ-ն ՖՍԲ-ից և ԿԳԲ-ական սովորույթներից ազատագրելը։
Չարվի, չենք ունենա ինքնիշխանություն, արդյունավետ չեն կարող լինել ժողովրդավարության, իրավական և սոցիալական պետության վերականգնման ջանքերը»:
