Իրավապաշտպան Արթուր Սաքունցը ֆեյսբուքյան իր էջում գրել է. «Սեպտեմբերն իսկապես հետաքրքիր ամիս է լինելու հանգուցային հարցերում դիրքորոշումների հստակեցման առումով։
Ապրիլյան պատերազմի հետ կապված ԱԺ քննիչ հանձնաժողովի եզրակացությունն օրինակ։
Բայց մի հարց է հետաքրքրում, որ չորս տարի էլ անց չի ձևավորվել այն մթնոլորտը, երբ պատերազմական գործողություններին անմիջապես մասնակցածները մինչև հիմա հրապարակավ չեն արտահայտվում, բացի հերոսությունից, նաև՝ խնդիրների մասին։
Մի բան ևս, պետական անվտանգության որևէ նկատառում չի կարող հանդիսանալ հիմնավորում կոռուպցիոն հանցագործությունների, զինծառայողների մահվան հանգամանքների կոծկման կամ թաքցնելու համար, չկա նման հիմնավորում»։
