Հելսինկյան քաղաքացիական ասամբլեայի Վանաձորի գրասենյակ
ՀՔԱՎ-ը Տավուշի մարզի Ակնաղբյուր համայնքի ղեկավարի թեկնածուի անօրինական գործողությունների վերաբերյալ հանցագործության մասին հաղորդում է ներկայացրել
Գործունեություն | Ընտրական գործընթաց | Ընտրելու և հանրաքվեներին մասնակցելու իրավունք | Նորություններ | ՏԻՄ գործունեություն | Քաղաքացիական վերահսկողություն և մշտադիտարկում
2019թ. փետրվարի 17-ին կայանալիք Տավուշի մարզի Ակնաղբյուր համայնքի ղեկավարի ընտրությունների քարոզչության ընթացքում համայնքի գործող ղեկավարը, որը նաև թեկնածու է, չարաշահում է վարչական ռեսուրսները, բնակիչներին խոստումներ տալիս և իրականությանը չհամապատասխանող տեղեկանքներ տրամադրում:
Այս մասին Հելսինկյան քաղաքացիական ասամբլեայի Վանաձորի գրասենյակը տեղեկություններ է ստացել փետրվարի 13-ին և հաջորդ օրը հանցագործության մասին հաղորդում ներկայացրել Տավուշի մարզի դատախազություն:
Ըստ մեր ստացած տեղեկությունների՝ համայնքի ղեկավարը բնակիչներին խոստանում է գարու սերմնացան և պարարտանյութ տրամադրել, ինչպես նաև բնակիչների օգտին իրականությանը չհամապատասխանող տեղեկանքներ է տալիս նրանց ունեցած անասնագլխաքանակի վերաբերյալ՝ սոցիալական ծառայություն ներկայացնելու նպատակով: Այդ տեղեկանքներն ստորագրված են գյուղի անասնաբույժի անունից այն դեպքում, երբ վերջինս գտնվում է հիվանդանոցում և չէր կարող ստորագրել դրանք:
Այս միջոցներով, ըստ մեր աղբյուրների, համայնքի ղեկավարը փորձում է համոզել ընտրողներին իր օգտին ընտրություն կատարել:
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
Leave a Reply