Հելսինկյան քաղաքացիական ասամբլեայի Վանաձորի գրասենյակ

Իրավապաշտպան Արթուր Սաքունցը ֆեյսբուքյան իր էջում գրել է. «Եթե նման կերպ են փորձելու խոչընդոտել դատական նիստին քաղաքացիների մասնակցությանը, ապա շատ ավելի վատ իրենց համար:

Հաջորդ նիստերին արժե Ռ.Քոչարյանի նախագահության ժամանակ բոլոր ապօրինի ազատազրկվածները՝ քաղբանտարկյալները՝ զոլավոր հագուստի խորհրդանիշներով, սեփականազրկվածները՝ իրենց սեփականաշության վկայականների պատճեններով, սպանվածների հարազատները, իրենց հարազատի նկարներով և տարբեր պաստառներով հավաքվեն դատարանի շենքի մոտ և ցույց տան Ռ.Քոչարյանի նախագահության ընթացքում մարդու իրավունքների խախտումների ողջ համայնապատկերը:

Առանց որևէ գնահատականի, այլ պարզապես թվարկեն քաղբանտարկյալների անուն ազգանունները, սպանվածների, սեփականազրկվածների անուն ազգանունները, նշելով որ այդ բոլոր ապօրինությունների համար թիվ մեկ պատասխանատուն իրենց միակ տղամարդ հորջորջած Ռ.Քոչարյանն է:

Դե տեսնեմ, ինչ են ասելու այդ ամենի դեմ»: