Հելսինկյան քաղաքացիական ասամբլեայի Վանաձորի գրասենյակ

Ապրիլի 18-ին ՀՔԱ Վանաձորի գրասենյակը առաջին հեռավար դասընթացն անցկացրեց արտակարգ դրության պայմաններում։ Եվս մեկը նախատեսում ենք ապրիլի 25-ին Կոտայքի մարզի բնակիչների համար։

Ապրիլի 18-ին զորակոչիկների և զինծառայողների իրավունքների թեմայով հեռավար դասընթաց անցկացվեց Արագածոտնի մարզի բնակիչների համար։ Դասընթացը վարեցին ՀՔԱՎ խաղաղասիրական ծրագրերի համակարգող Արմինե Սադիկյանը և ՀՔԱՎ փաստաբան Հայկ Հակոբյանը։

Առցանց դասընթացի 15 մասնակիցները մարզի Ագարակ, Թալին, Մաստարա, Իրինդ, Նոր Արթիկ, Արտենի, Կարբի համայնքներից էին։

Նշենք, որ ինչպես առցանց, այնպես էլ դեմառդեմ դասընթացների շրջանակում մենք հնարավորություն ենք տալիս մասնակցելու հատկապես գյուղական համայնքների բնակիչներին և հնարավորության դեպքում առաջնահերթությունը տրվում է հենց նրան։

ՀՔԱ Վանաձորի գրասենյակը այս դասընթացների շարքն իրականացրել է ՀՀ տարբեր մարզերի քաղաքային ու գյուղական բնակավայրերում։