Հելսինկյան քաղաքացիական ասամբլեայի Վանաձորի գրասենյակ

Հելսինկյան քաղաքացիական ասամբլեայի Վանաձորի գրասենյակի ծրագրերի համակարգող Օֆելյա Զալյանը 2019 թ․ դեկտեմբերի 2-ին Բրատիսլավայում մասնակցել է Քաղաքացիական հասարակության պլատֆորմի Խոշտանգումների դեմ պայքարի աշխատանքային խմբի հանդիպմանը, իսկ դեկտեմբերի 4-ին՝ ԵԱՀԿ նախարարների խորհրդի 26-րդ համաժողովին ընդառաջ  կայացած ԵԱՀԿ Քաղաքացիական հասարակության զուգահեռ կոնֆերանսին։

Կոնֆերանսն ընդունեց խաղաղ հավաքների ազատության իրավունքի Բրատիսլավայի հռչակագիրը: Հռչակագիրը ներկայացնում է ԵԱՀԿ տարածաշրջանում հավաքների ազատության հիմնական սահմանափակումների համապարփակ վերլուծություն և խաղաղ հավաքների ազատության իրավունքի հզորացման վերաբերյալ առաջարկներ է ներկայացնում ԵԱՀԿ մասնակից պետություններին ու ԵԱՀԿ մարմիններին:

Բացի դրանից՝ Զուգահեռ կենֆերանսը հաստատեց փաստաթուղթն այն խնդրների մասին, որոնց առնչվում են շրջակա միջավայրի պաշտպանները՝ առողջ շրջակա միջավայրի իրավունքը ջատագովելիս և կլիմայի ճգնաժամի դեմ պայքարելիս: 

Զուգահեռ կոնֆերանսը նաև 2019 թ. դեկտեմբերի 9-ին Փարիզում կայանալիք Նորմանդյան գագաթնաժողովի վերաբերյալ հայտարարություն ընդունեց, որում մտահոգություն է արտահայտվում Արևելյան Ուկրաինայում քաղաքացիական ազատությունների մակարդակի վերաբերյալ:

Վերջում Զուգահեռ կոնֆերանսը հայտարարություն ընդունեց՝ դատապարտելով  Ռուսաստանի նոր օրենսդրությունը, ըստ որի՝ «օտարերկրյա գործակալներ» հասկացությունը վերաբերում է նաև ֆիզիկական անձանց:

Զուգահեռ կոնֆերանսի մասին տեղեկությունը և ընդունված փաստաթղթերը հասանելի են ԱՅՍՏԵՂ

Լուսանկարը՝ https://www.osce.org/