Հելսինկյան քաղաքացիական ասամբլեայի Վանաձորի գրասենյակ

2020 թ․ սեպտեմբերի 18-ին Հելսինկյան քաղաքացիական ասամբլեայի Վանաձորի գրասենյակը Եվրոպական միության ֆինանսավորմամբ և Խոշտանգման զոհերի հոգեսոցիալական և բժշկական վերականգնողական վրացական կենտրոնի (GCRT) հետ գործընկերությամբ իրականացվող «Պայքար խոշտանգման և վատ վերաբերմունքի դեմ Վրաստանում, Հայաստանում և Ուկրաինայում» ծրագրի շրջանակում համավարակի դեմ պայքարի միջոցներ նվիրաբերելու պայմանագիր կնքեց «Քրեակատարողական բժշկության կենտրոն» ՊՈԱԿ-ի հետ։

ՊՈԱԿ-ի տնօրեն Կամո Մանուկյանի հետ նվիրատվության պայմանագիրը կնքեց ՀՔԱՎ ծրագրերի ղեկավար Օֆելյա Զալյանը, որը նաև ՔԿՀ-ներում դիտորդություն իրականացնող հասարակական խմբի անդամ է։

2.588.000 ՀՀ դրամ արժողությամբ գույքը ՊՈԱԿ-ին կհանձնվի արդեն այսօր։ Նվիրատվությունը ներառում է 800 լիտր ախտահանող հեղուկ, 30.000 հատ դիմակ, 4000 հատ ձեռնոց։

«Պայքար խոշտանգման և վատ վերաբերմունքի դեմ Վրաստանում, Հայաստանում և Ուկրաինայում» ծրագրի և դրա շրջանակում իրականացված մյուս միջոցառումների մասին՝ ԱՅՍՏԵՂ։

Այս նյութը պատրաստվել է Եվրոպական միության աջակցությամբ։ Բովանդակության համար պատասխանատվություն է կրում հեղինակը՝ ՀՔԱ Վանաձորի գրասենյակը, և պարտադիր չէ, որ այն արտահայտի Եվրոպական միության տեսակետները։
 
This material has been produced with the assistance of the European Union. Its contents are the sole responsibility of HCA Vanadzor and do not necessarily reflect the views of the European Union."