Հելսինկյան քաղաքացիական ասամբլեայի Վանաձորի գրասենյակ

Այսօր՝ 2018 թ. նոյեմբերի 5-ին, ՀՔԱ Վանաձորի գրասենյակ էին այցելել Վանաձորի 16-րդ դպրոցի աշխատակիցները, որոնք աջակցում են տնօրեն Նաիրա Հարությունյանին և արձագանքելով դպրոցի մյուս 12 աշխատակիցների բողոքի վերաբերյալ մեր հրապարակմանը՝ դիմում են հղել Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցին:

Դիմումը ստորև ներկայացնում ենք ամբողջությամբ:

Ի դեպ, չնայած տնօրեն Նաիրա Հարությունյանի գործունեությունից բողոքող աշխատակիցների պնդումներին, թե ուսուցիչների մեծ մասը կիսում է իրենց կարծիքը, փաստում ենք, որ դպրոցի աշխատակիցների մեծ մասը հանդես է եկել ի պաշտպանություն տնօրենի՝ ՀՔԱ Վանաձորի գրասենյակ ներկայացրած դիմումի տակ ստորագրել է 40 աշխատակիցՙ և նրանց մի մասն այսօր մեր գրասենյակում էր:

Նրանք փոխանցեցին նաև դպրոցի 5ա դասարանի աշակերտների ծնողների՝ տնօրենին ուղղված դիմումը, որով նրանք խնդրել են ռուսաց լեզվի ուսուցչուհի Լ. Հակոբջանյանին փոխարինել, քանի որ վերջինս բավարար գիտելիքներ չունի և չի կարողանում պատշաճ ձևով դասավանդել: Նշենք, որ Լ. Հակոբջանյանը տնօրենի դեմ բողոքողների շարքում է: