Հայտարարություն
ԱԱԾ պարապության եւ բարեփոխման անհրաժեշտության մասին
Ազգային անվտանգության ծառայությունը դեկտեմբերի 10-ին հայտարարությամբ է հանդես եկել, որում իրավապաշտպան Արթուր Սաքունցի՝ ԱԱԾ-ի հասցեին արված քննադատությունը որակել է որպես վիրավորանք, զրպարտություն, մոլորեցնող, ապատեղեկացնող, սուտ, «անպատեհ ցասումի պոռթկմամբ» ինքնահաստատման փորձ եւ կոչեր է արել «…արտահայտվելիս ցուցաբերել զգոնություն, պահպանել առավելագույն զսպվածություն, տուրք չտալ էմոցիոնալ ու անլիարժեքության բարդույթից բխող պոռթկումներին, կշռադատել, ծանրութեթև անել ասելիքը, չբռնել ինքնահաստատման ուղի՝ պետական կարեւորագույն կառույց վարկաբեկելով, եւ, անշուշտ, պահպանել քաղաքացիական հասարակության անդամին վայել քաղաքակիրթ էթիկայի կանոնները»։
Մի կողմ թողնելով հանրային մարմնի կողմից նման ձևակերպումներով հայտարարություն տարածելու էթիկական կողմը և ԱԱԾ-ի կողմից այդպիսի որակումներ տալու իրավաչափության քննարկումը, դիմելով Հայաստանի Հանրապետության վարչապետ Նիկոլ Փաշինյանին՝ պահանջում ենք.
Հանձնարարել ենթակա իրավապահ մարմիններին մանրակրկիտ զբաղվել Հայաստանի ազգային անվտանգությունը վտանգած հետևյալ երևույթներով.
1. Բացահայտել 1995, 1996, 1998, 1999, 2003, 2005, 2007, 2008, 2012, 2013, 2015, 2017 թվականների նախագահական, խորհրդարանական ընտրությունների եւ սահմանադրական հանրաքվեների ընթացքում տեղի ունեցած զանգվածային ընտրակեղծիքները կազմակերպողներին եւ իրականացնողներին:
2. Բացահայտել 2004 թ. ապրիլի 12/13-ին Երեւանի Բաղրամյան պողոտայում խաղաղ ցուցարարների շուրջկալի եւ զանգվածային ծեծի կազմակերպիչներին եւ իրականացնողներին:
3. Ամբողջությամբ բացահայտել 2008 թ. մարտի 1-ին եւ 2-ին Երեւանում խաղաղ ցուցարարների դեմ զանգվածային ծեծի, խոշտանգումների, գնդակահարությունների, անօրինական հետապնդումների, ազատազրկումների կազմակերպիչներին եւ իրականացնողներին:
4. Ուսումնասիրել 1998 թվականի հոկտեմբերի 27-ի ահաբեկչության պատվիրատուների և կազմակերպիչների հետ կապված՝ օդում կախված լուրերը, այդ թվում՝ դրանց ԱԱԾ մասնակցության ու անգործության մասով:
5. Ստուգել, թե ինչ մեխանիզմով եւ ովքեր են իրականացրել Հայաստանից 2004-2013 թթ. ավելի քան 10 մլրդ դոլարի ապօրինի տարհանումը:
6. Ուսումնասիրել 1991 թվականից ի վեր Հայաստանի հանքային հարստությունները չնչին գներով հայաստանյան եւ անդրսահմանային կորպորացիաներին օտարելու մեխանիզմները, մեղավորներին եւ պարզել երկրին հասցված նյութական վնասի չափը:
7. Բացահայտել ԱԱԾ ծառայողների կողմից քաղաքացիների անձնական տվյալների ապօրինի հավաքագրման և օգտագործման դեպքերը: Մասնավորապես՝ երբ դրանք կատարվել են ընդդիմության ու քաղհասարակության ներկայացուցիչների վրա ապօրինի ներգործության նպատակով:
8. Ուսումնասիրել ԱԱԾ բազմաթիվ պաշտոնատար անձանց անհասկանալի և կասկածահարույց կերպով հարստանալու օրինականությունը:
9. Բացահայտել նախկինում այս դեպքերի քննությանը խոչընդոտողներին: Այդ թվում՝ այն անձանց, որոնք ԱԱԾ-ին խոչընդոտել են իրականացնել քննությունը:
Պահանջում ենք պարբերաբար հանրամատչելի կերպով իրազեկել հանրությանը վերոհիշյալ հանցագործությունների բացահայտման աշխատանքների մասին:
Այս եւ այլ պահանջներ հանրությունը ունեցել է տարիներ շարունակ, սակայն ԱԱԾ-ն դրսեւորել է բացարձակ անգործություն: Հիմա ճիշտ ժամանակն է բացահայտելու այս հանցագործությունները, այդ թվում՝ ԱԱԾ-ի ուժերով, որպես ազգային անվտանգությունն իսկապես ապահովող ծառայություն: Առանց այս ուղղությամբ իրական, ողջամիտ եւ շոշափելի ջանքերի, ԱԱԾ հայտարարությունները համարում ենք աչքակապություն, մերկապարանոց, զվարճալի եւ քաղաքական զեղծարարություն:
ԱԱԾ ղեկավար աշխատակազմին, ՀՀ կառավարությանը կոչ ենք անում հրատապ ջանքեր ներդնել ԱԱԾ արմատական բարեփոխման, աշխատակիցների քննազտման քաղաքականության մշակման եւ ներդրման ուղղությամբ՝ այն հաշվով, որ այդ համակարգը դառնա անհրաժեշտ եւ բավարար չափով բաց, հաշվետու հանրությանը եւ կարողանա այդուհետ սպասարկել միայն ազգային անվտանգության հետ կապված ողջամիտ շահերը եւ ոչ թե զբաղվի իրեն տհաճ քննադատություններին պատասխան տեքստեր գրելով:
ՀՀ կառավարությունից պահանջում ենք անհապաղ անդրադառնալ իրավունքի եւ օրենքի կոպիտ խախտման մասին ԱԱԾ ինքնախոստովանությանը, մասնավորաբար՝ հրատապ արձանագրել ՀՀ նախորդ իշխանությունների կողմից կատարված մարդու իրավունքների կոպտագույն եւ զանգվածային խախտման փաստը եւ դրա հիման վրա սկսել թափանցիկ, հաշվետու եւ արդյունավետ հետաքննումն անցումային արդարադատության մեխանիզմ կիրառելով:
ՀՀ Ազգային ժողովին, խորհրդարանական եւ արտախորհրդարանական քաղաքական ուժերին, քաղաքացիական հասարակության շահագրգիռ խմբերին կոչ ենք անում չանտեսել եւ չհետաձգել ԱԱԾ համակարգի արմատական մաքրման եւ բարեփոխման հրամայականը, հակառակ դեպքում մեծ է ռիսկը, որ այս համակարգը մնալու է հանրությունից փակ, հանրության կասկածները մնալու են չփարատած, որ ԱԱԾ-ն եղել է պետության զավթման տեւական շրջանի սպասարկու համակարգ, որը երբեւէ կարող է օգտագործվել ըստ պատեհության եւ կարիքի՝ ի վնաս Հայաստանի Հանրապետության եւ ազատ քաղաքացիների:
«Իրազեկ քաղաքացիների միավորում» խորհրդատվական ՀԿ
Ժուռնալիստների «Ասպարեզ» ակումբ
Հելսինկյան քաղաքացիական ասամբլեայի Վանաձորի գրասենյակ
«Թրանսփարենսի Ինթերնեշնլ հակակոռուպցիոն կենտրոն» ՀԿ
Հանրային լրագրության ակումբ
«Բաց հասարակության հիմնադրամներ – Հայաստան»
The National Security Service issued a statement on December 10, calling human rights activist Artur Sakunts’ criticism of the NSS as insulting, defamatory, misleading, disinforming, false, a self-assertion attempt accompanied by “an outburst of inappropriate fury”, and calling to “…exercise vigilance, maximum restraint, avoid emotional outbursts and those stemming from the inferiority complex, weigh messages, refrain from taking the path of self-assertion by discrediting an important state institution, and, of course, adhere to the rules of civilized ethics relevant to a member of civil society”.
Leaving aside the ethical aspect of such formulations in a statement by a public authority and the discussion of the lawfulness of such qualifications by the NSS, we hereby turn to the Prime Minister of the Republic of Armenia Nikol Pashinyan with the following demand:
Instruct the law enforcement authorities to deal with the following issues that threaten Armenia’s national security:
- Identify the organizers and perpetrators of mass electoral fraud during the presidential, parliamentary elections and constitutional referendums held in 1995, 1996, 1998, 1999, 2003, 2005, 2007, 2008, 2012, 2013, 2015, 2017.
- Identify the organizers and perpetrators of the rounding and mass beatings of peaceful protestors on Baghramyan Avenue in Yerevan, on 12 to 13 April 2004.
- Fully disclose the organizers and perpetrators of mass beatings, torture, executions, unlawful persecutions, detentions of peaceful protestors in Yerevan on 1 and 2 March 2008.
- Investigate the rumors regarding clients and organizers of the act of terrorism on 27 October 1999, including with respect to NSS involvement and inaction.
- Inspect who carried out the illegal evacuation of more than $ 10 billion from Armenia in 2004-2013, and the mechanism used in that endeavor.
- Investigate the mechanisms of alienation of Armenian mineral wealth since 1991 and its sale to Armenian and foreign corporations at low prices, identify culprits and determine the extent of material damage to the country.
- Reveal instances of illegal collection and use of citizens’ personal data by the NSS, particularly when this was done to exert illegal influence on opposition and civil society representatives.
- Examine the legality of obscure and dubious enrichment of many NSS officials.
- Identify those who previously obstructed the investigation of these cases, including those who prevented the NSS from conducting the investigation.
We hereby demand that the public be informed on a regular basis about the disclosure of these crimes.
The public has had these and other demands for years, but there has been complete inaction by the NSS. Now is the right time to expose these crimes, including with the efforts of the NSS as a service that shall truly ensure national security. If no genuine, reasonable and tangible efforts are made in this direction, we will consider the NSS statements to be throwing dust in our eyes, ridiculous, and a political fraud.
We urge the NSS leadership, the Government of Armenia to make urgent efforts to implement radical reform of the NSS, develop and introduce a staff review policy, so that the system becomes necessary and sufficiently open, accountable to the public, and can thereafter serve only reasonable national security interests, and not just write texts in response to uncomfortable criticism.
We urge the Government of the Republic of Armenia to immediately address the self-confession of the NSS on the gross violation of law, in particular, urgently acknowledge the gross and mass human rights violations committed by the former authorities of the Republic of Armenia and launch a transparent, accountable and effective investigation by applying the mechanism of transitional justice.
We urge the RA National Assembly, parliamentary and extra-parliamentary political parties, civil society stakeholders not to ignore and not to delay the urgent need for radical clean-up and reform of the NSS system. Otherwise there is a high risk that this system will remain closed to the public, doubts of the society as to whether the NSS had long been a system providing for state capture and that can be used any time, as appropriate, to the detriment of the Republic of Armenia and free citizens will remain unaddressed.
Union of Informed Citizens NGO
Asparez Journalists’ Club
Helsinki Citizens’ Assembly-Vanadzor
Transparency International Anti-Corruption Center NGO
Public Journalism Club
Open Society Foundations – Armenia
[:]
Դիտումներ: 1