Իրավապաշտպան Արթուր Սաքունցը ֆեյսբուքյան իր էջում գրել է. «Այսօր բողոքի ցույցերի հարթակում ելույթ ունեցողները մի պահ պատկերացնո՞ւմ են, թե ինչ իրավիճակում կհայտնվեինք, և իրենք, և հասարակությունը, եթե 2018թ. ապրիլ-մայիս ամիսներին, զանգվածային, ոչ բռնի, բողոքի ցույցերի հարթակներում կիրառվեր իրենց այսօրվա բառապաշարը և արտահայտությունները։ Հոնքը սարքելու փոխարեն աչքը հանելու վարքագիծը անհամատեղելի է պետությունը, մարդկանց այս վիճակից դուրս բերելու մտածմունքի հետ, անթույլատրելի է քաղաքակրթական որևէ սկզբունքով»։
