Հելսինկյան քաղաքացիական ասամբլեայի Վանաձորի գրասենյակ

«ՀՀ-ում օրակարգը մեկն է և այն ձևավորվել է դեռևս թավշյա հեղափոխությունից առաջ, երբ դրանք լուծումներ չէին ստանում և թավշյա հեղափոխությամբ այդ օրակարգի լուծման հնարավորությունը վերականգնվեց»,- ADTV «Հարցազրույց» հաղորդման ժամանակ ասաց «Հելսինկյան քաղաքացիական ասամբլեայի Վանաձորի գրասենյակ»-ի ղեկավար Արթուր Սաքունցը:

Նրա խոսքով` դա համակարգային կոռուպցիան էր, անպատժելիությունը, քաղաքական հետապնդումները, ապօրինի ձեռք բերված միջոցների դուրս բերումը երկրից, որը մինչև 10մլդ դոլար են գնահատում, կրթության բնագավառում խորը խնդիրները:
«Սրանք պետության զավթման և պետական միջոցների յուրացման հետևանքներն են: Քաղհասարակության կողմից հարցերը, որոնք ներկայումս բարձրացվել են , բարձրացվել են շարունակաբար, պարզապես եղել է իշխանություն, որը պետությունը զավթած է եղել: Կենսական նշանակության խնդիրներ ժամակ, դատական համակրագը, ԱԱԾ-ն, Ոստիկանությունը, Դատախազությունը, որոնք նույնպես զավթված են եղել, գործել են ոչ թե խնդիրների լուծման համար, այլ զուտ իրենց անձնական շահերի: Թավշյա հեղափոխությունը ստեղծեց պայմաններ այդ օրակարգային հարցերը լուծելու: Հիմա օրակարգում վերստին շարունակում ենք պնդել այն հարցերի լուծումները, որոնք տարիներ շարունակ չեն եղել: Ի դեպ ասեմ, որ այդ օրակարգային հարցերի առաջադրման մեջ այս իշխանության շատ ներկայացուցիչներ էլ են մասնակից եղել որպես քաղհասարակության ներկայացուցիչներ, լրագրողներ»-շեշտեց Սաքունցը:

Մանրամասները` տեսանյութում.