0 8000 12 11

Մարդու իրավունքների պաշտպանության անվճար թեժ գիծ
menu

Առողջական խնդիրներ ունեցող զինծառայողը վաղաժամ զորացրվել է՝ ավելի բարդացած խնդիրներով

February 22, 2019

Առողջության պաշտպանվածության իրավունք | Գործունեություն | Իրավական աջակցություն | Իրավական աջակցություն | Նորություններ | Փակ և կիսափակ հաստատություններ | Քաղաքացիական վերահսկողություն և մշտադիտարկում

Առողջական խնդիրներով զորակոչված, ապա Հելսինկյան քաղաքացիական ասամբլեայի Վանաձորի գրասենյակի աջակցության արդյունքում զինծառայության ընթացքում երկու անգամ վիրահատված զինծառայող Արմեն Թադևոսյանը զորակոչվելուց ամիսներ անց վաղաժամ զորացրվել է:

 

Արմեն Թադևոսյանը բազմաթիվ առողջական խնդիրներով զինծառայությանը պիտանի էր ճանաչվել և զորակոչվել 2018թ. ամառային զորակոչի ընթացքում և զորակոչվելուց հետո տեղափոխվել հոսպիտալ: Չնայած նրան, որ ըստ բժշկական փաստաթղթերի՝ Արմեն Թադևոսյանի առողջական խնդիրները հրատապ լուծման կարիք ունեին, ըստ հոր հայտնած տվյալների, նրա հետազոտությունները կրել են ձևական բնույթ, և ընդամենը ցուցվել էր պլանային վիրահատություն՝ հրատապ լուծման փոխարեն:

 

Ընդհանուր տվյալների ուսումնասիրությունից պարզվել էր, որ առկա են ձախ շրջանի երակային համակարգի պաթոլոգիաներ. առկա է արյան շրջանառության և օրգանների կամ վերջույթների ֆունկցիաների առնվազն չափավոր արտահայտված խանգարում, իսկ որոշակի հետազոտությունների արդյունքում արձանագրվել էր առողջական վիճակի վատթարացում: 

 

ՀՀ պաշտպանության նախարարին ՀՔԱ Վանաձորի գրասենյակի դիմելուց հետո 2018թ. հոկտեմբեր և նոյեմբեր ամիսներին զինծառայողը 2 անգամ վիրահատվել է՝ նախ ձախակողմյան վարիկոցելեի կապակցությամբ, ապա աջ ստորին վերջույթի վարիկոզ լայնացած երակների վիրահատական հեռացում է կատարվել:

 

2019 թ.-ի փետրվարին որոշում է կայացվել Արմեն Թադևոսյանին վաղաժամ զորացրելու մասին: Վերջինս ճանաչվել է ոչ պիտանի զինվորական ծառայությանը:  

 

Հիշեցնենք, որ դեպքի մասին ՀՔԱ Վանաձորի գրասենյակը տեղեկացել էր 2018թ. սեպտեմբերի 19-ին armtimes.com լրատվական կայքից:

 

 

Դիտումներ՝ 455

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը