Helsinki Citizens' Assembly-Vanadzor

menu

Ուկրաինայի քաղաքացի Բոգդան Կալիուսսկիի գործով 4 ամիս շարունակ իրավապահները որևէ գործողություն չեն կատարել, բայց քրեական գործն էլ հրաժարվում են կարճել (Տեսանյութ)

October 8, 2018

Գործունեություն | Իրավական աջակցություն | Իրավական աջակցություն | Նորություններ

Ուկրաինայի քաղաքացի Բոգդան Կալիուսսկին, որը 2018 թ. մայիսի 24-ին գրավի դիմաց ազատ արձակվեց, իսկ հունիսի 4-ին նրան առաջադրված մեղադրանքը փոփոխվեց, այնուամենայնիվ շարունակում է քրեական հետապնդման ենթարկվել Հայաստանի Հանրապետությունում:

 

Նախապես նրան առաջադրված՝ փաստաթղթեր կեղծելու և պետական սահմանն ապօրինի հատելու մեղադրանքը փոփոխվելուց հետո նա այժմ մեղադրվում է միայն ՀՀ Քրեական օրենսգրքի 325-րդ հոդվածի 1-ին մասով նախատեսված արարք կատարելու՝ փաստաթղթերի կեղծման համար: Մեղադրանքի փոփոխումից հետո 4 ամիս է անցել, բայց նրա մասնակցությամբ որևէ քննչական ու դատավարական գործողություն վարույթն իրականացնող մարմինը չի կատարել:

 

ՀՀ-ում Ուկրաինայի դեսպանատունն էլ փաստել է, որ Բ. Կալիուսսկին անունն ու անձնագիրը փոխել է օրինական ճանապարհով, և տրամադրել է դրա վերաբերյալ փաստաթուղթ, որն ավելի վաղ հրապարակել ենք:

 

Բ. Կալիուսսկիի նկատմամբ ՀՀ իրավապահները քրեական հետապնդում են իրականացնում այս տարվա ապրիլից: Ավելի քան 6 ամիս քննություն է ընթանում, բայց դեռևս ՀՀ Քննչական կոմիտեին չի հաջողվել ապացուցել նրա մեղքը: Բ. Կալիուսսկիի նկատմամբ քրեական հետապնդում է իրականացվում մի արարքի համար, որում, մեր գնահատմամբ, հանցակազմ չկա և վերջինիս նկատմամբ իրականացվում է ապօրինի քրեական հետապնդում:

 

Նրա պաշտպաններ, ՀՔԱ Վանաձորի գրասենյակի փաստաբաններ Արայիկ Զալյանն ու Անի Չատինյանը քրեական գործի վարույթը կարճելու և քրեական հետապնդումը դադարեցնելու հարցով 2018թ. սեպտեմբերի 28-ին հերթական անգամ դիմել են ՀՀ Քննչական կոմիտեի հատկապես կարևոր գործերի քննության գլխավոր վարչության քննիչ Ռ. Ավագյանին:

 

Տեսանյութում Բ. Կալիուսսկին պատմում է իր գործի մասին.

 

Դիտումներ՝ 1431

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • ???????
    A A A
  • ?????????
    arial verdana tahoma
  • ???????????
    regular light bold
  • ??????????????
    1px 2px 3px
  • ???????? ?????
    ???? ??????? ??? ???????? ??? ???
  • ???? ??????
  • ?????? ??????