Հելսինկյան քաղաքացիական ասամբլեայի Վանաձորի գրասենյակ

Հելսինկյան քաղաքացիական ասամբլեայի Վանաձորի գրասենյակը «Արդարացի դատաիրավական բարեփոխումներ» ծրագրի շրջանակներում պլանավորում է իրականացնել արդար դատաքննության մշտադիտարկում Երևանում և ՀՀ հինգ մարզերում՝ առաջին ատյանի ընղհանուր իրավասության և վարչական դատարաններում։  

Մշտադիտարկողի աշխատանքը վճարովի է։  Դիմելու համար անհրաժեշտ է լրացնել հայտը և կցել հայերեն ինքնակենսագրական մինչև 2022 թ․ օգոստոսի 31-ը։

 
Հետագա փուլերի մասին կտեղեկացնենք ընտրված թեկնածուներին։  

Ընտրված թեկնածուները կմասնակցեն վերապատրաստման դասընթացների։  

👉 Դիմելու համար անհրաժեշտ է լրացնել հայտը՝ ԱՅՍՏԵՂ 

Դատարանների մշտադիտարկման առաջին փուլը կմեկնարկի 2022թ․ սեպտեմբերից։ Առաջին փուլի համար կներգրավվեն  60 մշտադիտարկողներ Երևանից, Գեղարքունիքի, Լոռու, Շիրակի, Տավուշի և Սյունիքի մարզերից։

Լրացուցիչ հարցերի դեպքում խնդրում ենք կապ հաստատել ՀՔԱՎ ծրագրերի ղեկավար Օֆելյա Զալյանի հետ 077 60 43 00 հեռախոսահամարով։

———————————————————————————————————————————————————

«Արդարացի դատաիրավական բարեփոխումներ» ծրագիրը ֆինանսավորվում է Բաց Հասարակության Հիմնադրամներ Հայաստան (ԲՀՀ-Հայաստան) կազմակերպության կողմից։  

Ծրագրի հիմնական նպատակն է ապահովել Հայաստանում դատաիրավական ոլորտի  բարեփոխումների արդյունավետությունը և բարելավել համակարգի հաշվետվողականությունը, թափանցիկությունը՝ հանրային վերահսկողության միջոցով:  

Նպաստելով դատաիրավական ոլորտի բարեփոխումների պատշաճ իրականացմանը՝ ծրագիրը կխթանի կառավարման հաշվետվողականության մշակույթի զարգացմանը, որը ուղղված է ավելի կայացած ժողովրդավարություն ունենալուն:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: