Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Մարտի 18-ին ԿԱԶԱ շվեյցարական մարդասիրական հիմնադրամում տեղի ունեցավ ՀՔԱ Վանաձորի գրասենյակի կողմից իրականացվող «Զինծառայողների և զորակոչիկների իրավունքները և պարտականությունները» թեմայով դասընթաց, խորհրդատվություն և աջակցություն։ Շիրակի մարզում խորհրդատվությունների և դասընթացների համակարգողը Հարթակների փոխակերպման հիմնադրամն է։

Դասընթացի նպատակն է զինվորական հաշվառման ենթակա անձանց, զորակոչիկներին, զինծառայողներին և նրանց հարազատներին իրազեկել իրենց իրավունքների և պարտականությունների մասին, տրամադրել տեղեկություններ վերջին ժամանակահատվածում իրականացված օրենսդրական փոփոխությունների մասին: Դասընթացի ժամանակ մասնակիցները ծանոթացան նախազորակոչային, զորակոչային ժամանակահատվածի և զինվորական ծառայության ընթացքում իրենց իրավունքներին և պարտականություններին, զորակոչի գործընթացում ներգրավված մարմինների գործունեությանը, անհրաժեշտ ընթացակարգերին, մասնավորապես՝ զինվորական հաշվառման, ծանուցման, բժշկական հետազոտությունների, որոշումների կայացման, որոշումների հետ համաձայն չլինելու դեպքում բողոքարկման մեխանիզմներին և այլ հարցերի:

Դասընթացին և դրանից հետո անհրաժեշտության դեպքում մասնակիցներին կտրամադրվի իրավական և բժշկական խորհրդատվություն, հարկ եղած դեպքում կազմակերպության իրավաբանը կներգրավվի բողոքարկման և դատական պաշտպանության գործընթացում, եթե քաղաքացիները համաձայն չեն իրենց պիտանիության վերաբերյալ կայացված որոշումների հետ:

Լուսանկարը՝ Transforming Platforms Right-Making Activities Foundation - Armenia

Այլ լուսանկարներ հասանելի են ԱՅՍՏԵՂ