Helsinki Citizens' Assembly-Vanadzor

(Armenian) Ոստիկանության կողմից մարդու իրավունքների խախտման դեպքերի մասին տարեկան հաշվետվություն-2017

February 6, 2018

Reports|Information Papers|Brochures | Publications | Own

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հելսինկյան Քաղաքացիական Ասամբլեայի Վանաձորի գրասենյակը ներկայացնում է 2017 թ.-ին ՀՀ-ում ոստիկանության աշխատակիցների կողմից մարդու իրավունքների խախտման դեպքերի վերաբերյալ տեղեկանքը: Ոստիկանության կողմից մարդու իրավունքների խախտման դեպքերը, ըստ ԶԼՄ հրապարակումների, ՀՔԱ Վանաձորի գրասենյակը տեղեկանքի ձևով ամփոփում է 2015 թ.-ից:

 

Տեղեկանքում ներկայացված դեպքերը հավաքագրվել են 14 առցանց լրատվամիջոցից և ՀՀ Հատուկ քննչական ծառայության պաշտոնական կայքից:

 

2017 թ.-ը չի առանձնացել հանրային միջոցառումների առատությամբ՝ ի տարբերություն 2015 և հատկապես 2016 թթ.-ի: Չնայած դրան՝ ոստիկանության կողմից բռնարարքներով և այլ ապօրինություններով ուղեկցվող գործողությունների բնույթը  չի փոխվել:

 

2017 թ.-ի մշտադիտարկման արդյունքները ցույց են տալիս, որ ՀՀ Ոստիկանության ծառայողները ակտիվորեն ներգրավված էին ընտրական գործընթացներում, սակայն ոչ թե որպես ընտրական իրավունքի իրացման երաշխավոր, այլ` այդ իրավունքի խախտող և/կամ որպես խախտողների “պահակախումբ”։Ավելին՝ Ոստիկանության ծառայողները եռանդագին պաշտպանում էին ՀՀԿ շտաբերը և ակտիվորեն ներգրավվում էին այլ հանրային միջոցառումներին` խախտելով անձանց` խաղաղ հավաք անցկացնելու իրավունքը:

 

Ինչպես նաև՝ անգործություն են դրսևորել ընտրախախտումների և ընտանեկան բռնության դեպքերի կանխարգելման ու մեղավորներին պատասխանտվության ենթարկելու ուղղությամբ, դրսևորել են խտրական վերաբերմունք:

 

Անդրադառնալով 2017 թ.-ին ոստիկանության կողմից մարդու իրավունքների խախտման դեպքերի թվային տվյալներին` փաստենք, որ դեպքերի թիվը կրճատվել է, որը, ելնելով նախորդ տարիների  մշտադիտարկման  տվյալներից, պայմանավորված  է  հանրային միջոցառումների սակավաթիվ լինելու հանգամանքով։

 

Մասնավորապես՝ ԶԼՄ-ների մշտադիտարկման ընթացքում հաշվետու ժամանակահատվածում արձանագրվել է ոստիկանության ծառայողների կողմից մարդու իրավունքների խախտման 107 դեպք: 2015 թ.-ին արձանագրվել է մարդու իրավունքների խախտման 304 դեպք, իսկ 2016թ.-ին` 338 դեպք։

 

2017-ին ամենաշատը խախտվել են ֆիզիկական բռնությունից զերծ մնալու, անմարդկային կամ արժանապատվությունը նվաստացնող վերաբերմունքից զերծ մնալու և խաղաղ, առանց զենքի հավաքներ անցկացնելու իրավունքները:

 

2017-ին արձանագրված անհատական բնույթի և հավաքների ընթացքում արձանագրված դեպքերի վերաբերյալ տեղեկատվությունը և այլ վիճակագրական տվյալներ ներկայացված են տեղեկանքում:

 

views: 906

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color