0 8000 12 11

FREE Hotline to report human rights violations

(Armenian) ՀՅԴ-ն չի կարող զարթնել ու խոսել սուպերվարչապետական համակարգից, ոստիկանության կարգավիճակից. Արթուր Սաքունց

October 4, 2018

Media about us

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Սահմանադրական փոփոխությունները պետք է լինեն արտահերթ խորհրդարանական ընտրություններից հետո՝ առանց քաղաքական ուժերի, որոնք հավանություն էին տվել սուպերվարչապետական համակարգին:

Այս մասին Tert.am-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը՝ անդրադառնալով ՀՅԴ հայտարարությանը, թե խորհրդարանական ընտրություններից առաջ անդրադարձ կատարվի ՀՀ ոստիկանության կարգավիճակի փոփոխության հարցին՝ նրա գործունեությունն ավելի լայն հանրային և խորհրդարանական վերահսկողության տակ դնելու համար, ինչը նաև պայմանավորված է ընտրական գործընթացներում ոստիկանությանը Կառավարության գործունեության ծրագրով վերապահված դերակատարությամբ:

«Ուզում եմ հիշեցնել, որ ժամանակին, երբ այդ Սահմանադրությունն ընդունվում էր, հենց ՀՅԴ-ն ջերմեռանդորեն «ընկավ մարզերը», քարոզեց փոփոխությունները և այն ժամանակ ծպտուն անգամ չէր հանում սուպերվարչապետական ինստիտուտի, դրա վտանգների մասին:

Այս մասին մենք էինք բարձրաձայնում և հիմա էլ ենք բարձրաձայնում: 

Սերժ Սարգսյանը այդ Սահմանադրությունն իր գործընկեր կուսակցությունների բուռն աջակցությամբ պարտադրեց ժողովրդին՝ նպատակ ունենալով ամրագրել իր և կուսակցության իշխանության շարունակությունը: Մենք ժամանակին նշել ենք, որ դա խորհրդարանական համակարգին բնորոշ չէ: Այն գործիքը, որն ստեղծվել էր իշխանության պահպանման համար, այլևս ժողովրդի ձեռքին է»,- շեշտեց Արթուր Սաքունցը:

Իրավապաշտպանի խոսքով՝ խորհրդարանական ընտրություններից հետո իշխանությունները կարող են ձերբազատվել սուպերվարչապետական համակարգից, ինչի մասին բազմիցս խոսել են:

«Խնդիրն իշխանությունը չէ, խնդիրը հասարակական պահանջն է, պետք է կատարվեն սահմանադրական փոփոխություններ, բայց ոչ ԱԺ-ի այս կազմով , որովհետև իրենք բարոյական իրավունք չունեն սահմանադրական փոփոխություններից, սուպեր վարչապետական կառավարումից, ուժային կառույցների կառուցվածքից մեկնաբանություններ անելու, քանի որ ժամանակին եղել են սուպերվարչապետական համակարգի հիմնավորողները և խրախուսողները: 

Քաղաքականությունը պետք է վերադառնա բարոյական դաշտ, ոչ թե «քյանդրբազության» տիրույթում շարունակի գտնվել»,- ասաց նա:

Արթուր Սաքունցն ընդգծեց,որ խորհրդարանական երկրում խորհրդարանական վերահսկողությունը պետք է ընդլայնվի, բայց այնպես չէ, որ ով քնից զարթնի, կարող է դրանից խոսել:

views: 918

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color