Helsinki Citizens' Assembly-Vanadzor

(Armenian) Մեկ անձին փոխելով՝ չես կարող համակարգը փոփոխված համարել. Արթուր Սաքունցը՝ ոստիկանության մասին

August 22, 2019

Multimedia

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հեղափոխությունից հետո ոստիկանապետի փոփոխությունը բավարար չէր, որպեսզի ոստիկանական համակարգում արմատական փոփոխություններ լինեին։ Հելսինկյան քաղաքացիական անսամբլեայի Վանաձորի գրասենյակի ղեկավար Արթուր Սաքունցի համոզմամբ՝ դրանով է պայմանավորված օգոստոսի 19-ին Ամուլսարի համար պայքարողներին Ազգային ժողովի դարպասներից այն կողմ ներս չթողնելը:

 

«Մեկ անձին փոխելով՝ չես կարող համակարգը փոփոխված համարել, ինստիտուցիոնալ փոփոխություն է պետք, այն է, որ ոստիկանությունը չպետք է ենթարկվի վարչապետին։ Ոստիկանությունը իր ներսում պետք է արմատական փոփոխությունների ենթարկվի, որովհետև տարիներ շարունակ այդ մարդիկ գործել են բոլորովին այլ տրամաբանությամբ և քաղաքական իրավիճակում։ Նրանք սովորել են այդ պայմաններում գործել, և իրենց չեն սովորեցրել գործել նոր իրավիճակում»,- ասաց Արթուր Սաքունցը։

 

Ազգային ժողովի բակ ցուցարարներին չթույլատրելու համար ոստիկանները անհամաչափ ուժ կիրառեցին, պնդում է իրավապաշտպանը: Ոստիկանությունը բովանդակությամբ ու գործիքակազմով, կադրերով նույնն է մնացել:

 

«Ոչ մեկ թող չհամոզի, որ թավշյա հեղափոխությունից հետո նոր ոստիկանապետը կամ ինչ-որ կառույց ոստիկաններին սովորեցրել է, թե ինչպես պետք է իրենց պահեն հանրային միջոցառումերի ժամանակ քաղաքացիների և լրագրողների համար»,- նկատում է նա:

 

Իրավապաշտպանին մտահոգում է, թե ինչո՞ւ 2018 թ. հոկտեմբերի 2-ին Ազգային ժողովի դարպասները բացեցին, իսկ հիմա փակեցին։

 

«Բաց տարածքները երբ փակվում են ըստ քաղաքական նպատակի, դա արդեն մտահոգիչ է»։

 

Արթուր Սաքունցը կոչ է անում, որպեսզի Ամուլսարի խնդրով մտահոգվողներին թույլատրեն հանրային քննարկում անցկացնել խորհրդարանի բակում։

 

Հայաստանի Հելսինկյան կոմիտեի նախագահ Ավետիք Իշխանյանը նույնպես պնդում է, որ ոստիկանությունը անհամաչափ ուժ է կիրառել ցուցարարների վրա։ Ըստ նրա՝ հավաքն ինքնաբուխ ու խաղաղ էր՝ համապատասխան ստանդարտներին։ Իրավապաշտպանի մոտ հարց է առաջացել, թե ինչո՞ւ ոստիկանները ցուցարարներին չթույլատրեցին հանրային քննարկում անցկացնել խորհրդարանի բակում:

 

«Հոկտեմբերի 2-ին կարելի՞ էր բացել խորհրդարանի դարպասները՝ ճնշում գործադրելով այն ժամանակվա Ազգային ժողովի վրա, իսկ հիմա չէր կարելի՞»,- նկատում է նա:

 

Իրավապաշտպանին հետաքրքրում է նաև, թե ոստիկանությունը ի՞նչ իրավունք ուներ խաղաղ հավաքը ցրելու: Ավետիք Իշխանյանի համոզմամբ՝ ոստիկանությանը հրահանգված է եղել Ազգային ժողովում ցուցարարներին հանրային քննարկում չթույլատրել անցկացնել և խաղաղ ցույցը ցրել:

 

«2 դեպքերում էլ հիշեք, թե ոստիկանությունը Հայաստանում դե յուրե ի՞նչ կարգավիճակ ունի։ Ոստիկանությունը օրենքով վարչապետին կից կառույց է, և առանց վարչապետի հանձնարարականի նրանք որևէ գործողություն չեն անի»,- ընդգծեց իրավապաշտպանը։

 

Հանրային կառավարման մասնագետ Սոսի Թաթիկյանին զարմացրել է, որ ոստիկանության տարարծած հաղորդագրության մեջ նշված է եղել, որ համաչափ ուժ է կիրառվել։ Նկարահանված տեսանյութերում հակառակն է պատկերված, կարծում է նա ու պնդում, որ կոպիտ ու ագրեսիվ էր ոստիկանության վարքագիծը։ Սոսի Թաթիկյանը անհրաժեշտ է համարում, որ օրենսդրությամբ հստակ տարանջատում լինի, թե որ իրավիճակում ի՞նչ ուժ է կիրառվում։

 

 

a1plus.am

views: 483

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color