Helsinki Citizens' Assembly-Vanadzor

(Armenian) Արթուր Սաքունց. «Ես որպես հարկատու պետք է իմանամ վարչապետի կամ ԱԺ նախագահի, կամ ՀՀ նախագահի անվտանգության ապահովման համար ֆինանսավորման ծավալը»

July 29, 2022

Media about us

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը խոսելով պետական գաղտնիքի մասին օրենքի նոր նախագծում տեղ գտած թերությունների մասին, ընթերցեց այն հոդվածը, որում գրված է, թե գաղտնիք է համարվում հատուկ պետական պաշտպանության ենթակա անձանց պետական պաշտպանության ուժերի, միջոցների, աղբյուրների, մեթոդների, պլանների եւ արդյունքների, ինչպես նաեւ այլ գործունեության ֆինանսավորման մասին տվյալները, եթե դրանք բացահայտում են թվարկված տեղեկությունները: «Պետական հատուկ պաշտպանության ենթակա պաշտոնատար անձանց անվտանգության համար պլանները, ռեսուրսները կարող են օպերատիվ նկատառումներով էլի գաղտնիության շեմ ունենալ, չնայած, դա պետք է հիմնավորվի:

 

Բայց ֆինանսավորման մասին տվյալները ես, որպես հարկատու, պետք է իմանամ: Օրինակ, վարչապետի կամ ԱԺ նախագահի, կամ ՀՀ նախագահի անվտանգության ապահովման համար ֆինանսավորման ծավալը: Ասենք, այս տարի նախատեսված է եղել իքս գումար, եկող տարի նախատեսվում է մինուս իգրեկ կամ պլյուս իգրեկ գումար: Ինչո՞ւ: Ես չիմանա՞մ՝ իմ վճարած գումարները արդյունավետ ե՞ն, համաչա՞փ են այն պաշտոնատար անձանց իրապես անվտանգության տեսակետից, որոնց գործողություններից, որոշում կայացնելուց է կախված պետության եւ իմ պաշտպանվածությունը: Ես պետք է իմանամ ֆինանսական ծավալը, որը գաղտնիացրեցին:

 

Հարկատուն պետք է իմանա, որ, օրինակ, գործուղման համար այսքան ծավալ է նախատեսված, որ դա անհրաժեշտ է, ասենք նախատեսված 20 այցելության երաշխավորման համար: Պարզունակ օրինակ ասեմ: Այցելության ժամանակ էկոնո՞մ դասով են թռչում, թե՞ բիզնես դասով, կամ պատվիրակության մեջ եթե ընդգրկված հարակից անձինք, ես չիմանա՞մ՝ ինչքան է ֆինանսավորվում, ի վերջո, ինչքանո՞վ է նպատակահարմար:

 

Տեսեք ԱԱԾ աշխատակցի եկամուտի հայտարարագրերը համարվում են գաղտնի: Ես հասկանում եմ, որ հետախուզությամբ կամ հակահետախուզությամբ զբաղվող անձի գաղտնիության շեմ կա: Բայց եկամուտների տվյալների գաղտնիությունը չի կարող հիմնավորված լինել, թաքցվել: Վերջին հաշվով, փոքր երկիր ենք ու գիտենք ով ունի այսքան եկամուտ եւ իր հետ կապակցված գույք: Ես պե՞տք է կարողանամ հարց բարձրացնել, որ նրա եկամուտը տարեկան, 10 միլիոն է, ասենք,  եւ այն գույքը, որն էլ, ասենք, 20 միլիոն արժե: Այսինքն, գաղտնիության հիմնավորման տեսակետից սա համաչափ եւ իրավաչափ չէ:

 

aravot.am

views: 20

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color