Helsinki Citizens' Assembly-Vanadzor

(Armenian) Տեղեկանք՝ 2016 թ. ՀՀ Զինված ուժերում և ԼՂ Պաշտպանության բանակում մահացության դեպքերի մասին

January 16, 2017

Reports|Information Papers|Brochures | Publications

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

ՀՔԱ Վանաձորի գրասենյակը հերթական անգամ ներկայացնում է ՀՀ Զինված ուժերում և ԼՂ Պաշտպանության բանակում մահացության դեպքերի մասին տեղեկանքը: Տեղեկանքը անդրադառնում է 2016 թ.-ին զինված ուժերում մահացության դեպքերին, այդ թվում՝ 2016 թ. ապրիլյան պատերազմական գործողությունների հետեւանքով մահվան դեպքերին:

 

Ըստ ուսումնասիրության տվյալների՝ կտրուկ աճել է սպանության հետևանքով մահացությունների թիվը՝ մոտ 4 անգամ (2015 թ-ին՝ 3, 2016 թ-ին՝ 13), ինքնասպանության դեպքերի թիվը՝  գրեթե կրկնակի անգամ (2015 թ-ին՝ 6, 2016 թ-ին՝ 13): Ի դեպ, սպանություններից 3-ը դեռեւս չբացահայտված հանգամանքերում են տեղի ունեցել:

 

Նախորդ 5 տարիներին արձանագրված դեպքերի թվին գերազանցում է նաև հրադադարի ռեժիմի խախտման հետևանքով մահացության դեպքերի թիվը՝ տոկոսային հարաբերակցությամբ կազմելով 68%:

 

Տեղեկանքում անդրադարձ է կատարվել նաև հրադադարի ռեժիմի խախտման ընթացքում հակառակորդի կիրառած զինատեսակներին և դրանց կիրառման հաճախականությանը, ինչից պարզ է դառնում, որ ապրիլյան պատերազմական գործողություններից առաջ նկատվել է հրադադարի ռեժիմի խախտումների ակտիվացում: Բացի դրանից՝ 2016 թ. ապրիլի 1-ի լույս 2-ի գիշերը սկսված և 4 օր տևած պատերազմական գործողությունների ժամանակ ադրբեջանական զինուժի կողմից կիրառվել են այնպիսի զինատեսակներ, որոնք չէին կիրառվել 1994 թ.-ի հրադադարի հաստատման պայամանագրի կնքումից ի վեր:  

 

Ինչ վերաբերում է մահացության դեպքերի ուղղությամբ իրականացված քննությանը և հարուցված քրեական գործերին, ապա պետք է նշել, որ 2016-ին գրանցված ոչ բոլոր դեպքերով է տեղեկատվություն տարածվել հարուցված քրեական գործերի մասին: Դրանց մի մասի վերաբերյալ Կազմակերպության հարցումներին ի պատասխան՝ իրավասու մարմինները դեռևս տեղեկատվություն չեն տրամադրել:

 

Ընդհանուր առմամբ՝ 2016թ.-ին ՀՀ Զինված ուժերում և ԼՂ Պաշտպանության բանակում գրանցվել է մահացության 162 դեպք (2015-ին՝ 76):

 

Դրանցից  77-ը՝ ապրիլի 1-5-ն ընկած ժամանակահատվածում տեղի ունեցած պատերազմական գործողությունների հետևանքով են, իսկ մահացության մյուս 85 դեպքերից 34-ը՝ հրադադարի ռեժիմի խախտման, 19-ը՝ դժբախտ պատահարների, 13-ը՝ սպանության, 13-ը՝ ինքնասպանության կամ ինքնասպանության հասցնելու հետևանքով, 4-ը՝ մարտական ծառայություն կրելու կանոնների խախտման և 2-ը՝ առողջական խնդիրների հետևանքով:

 

 

 

Կազմակերպության ուսումնասիրությունների համաձայն՝ 162 մահացության դեպքերից քրեական գործ է հարուցվել միայն 60-ի դեպքում: Առավել մանրամասն՝ տեղեկանքում:

views: 312

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color