Feedback

(Armenian) ՏԻՄ ընտրություններ․ հոկտեմբերի 17․ ինչպիսին են քվեաթերթիկները և ինչպես քվեարկել

October 6, 2021

Electoral Process | Right to Vote and to Participate in a Referendum | Publications | News | Information Campaign | Civilian Oversight and Monitoring

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

2021 թ․ հոկտեմբերի 17-ին ՀՀ 9 համայնքներում տեղի կունենան ՏԻՄ ընտրություններ։

 

Այս 9-ը համայնքներից 3-ում (Շամիրամ, Ֆերիկ, Ֆիոլետովո) ընտրողների թիվը 4000-ից պակաս է, հետևաբար՝ այդ համայնքներում գործում է մեծամասնական ընտրակարգը։

 

Շամիրամ և Ֆիոլետովո համայնքներում նշանակված են և ավագանու անդամի, և համայնքի ղեկավարի ընտրություններ։

 

Ֆերիկ համայնքում նշանակված են միայն ավագանու անդամի ընտրություններ։

 

Շամիրամ և Ֆիոլետովո համայնքներում ընտրողը կստանա երկու քվեաթերթիկ (տարբերվող գույնի), որոնցից մեկի վրա կլինեն ավագանու անդամի թեկնածուների անունները, մյուսի վրա` համայնքի ղեկավարի թեկնածուների անունները։ Ընտրողը կքվեարկի յուրաքանչյուր քվեաթերթիկում իր ցանկացած թեկնածուի դիմացի վանդակում v-աձև նշան դնելով։

 

Եթե թեկնածուների ինքնաբացարկի պատճառով միայն մեկ թեկնածու լինի, ապա քվեաթերթիկը կփոխվի, և ընտրողը կքվեարկի  «Կողմ եմ» կամ «Դեմ եմ» տարբերակներից մեկի դիմաց v-աձև նշան դնելով։

 

 

4000-ից շատ ընտրողներ ունեցող համայնքներում գործում է տեղական ինքնակառավարման համամասնական ընտրակարգը։ Համամասնական ընտրակարգով անցկացվող ընտրություններում ընտրողներն ընտրում են ավագանի, որն էլ իր հերթին ընտրում է համայնքի ղեկավարին։ Այս դեպքում ավագանու թեկնածուները կուսակցությունները և կուսակցությունների դաշինքներն են։ Մինչև 70000 ընտրող ունեցող համայնքներում թեկնածու կուսակցությունների և կուսակցությունների դաշինքների անունները գրված են մեկ ընդհանուր քվեաթերթիկի վրա, և ընտրողը քվեարկում է քվեաթերթիկում իր ցանկացած թեկնածու կուսակցության/կուսակցությունների դաշինքի դիմացի վանդակում v-աձև նշան դնելով։ Այս ընտրությունների ժամանակ նման կերպ քվեարկելու են Դիլիջանում, Գորիսում, Մեղրիում, Տաթևում և Տեղում։

 

Եթե թեկնածու կուսակցությունների/կուսակցությունների դաշինքների ինքնաբացարկի պատճառով միայն մեկ թեկնածու կուսակցություն/կուսակցությունների դաշինք լինի, ապա քվեաթերթիկը կփոխվի, և ընտրողը կքվեարկի  «Կողմ եմ» կամ «Դեմ եմ» տարբերակներից մեկի դիմաց v-աձև նշան դնելով։

 

 

Եթե համայնքում ընտրողների թիվը 70000-ից ավելի է, ապա քվեարկության համար կիրառվում են առանձին քվեաթերթիկներ՝ յուրաքանչյուր կուսակցության և կուսակցությունների դաշինքի համար։ Ընտրողը քվեարկում է՝ իր ցանկացած թեկնածու կուսակցության/կուսակցությունների դաշինքի քվեաթերթիկը, առանց որևէ նշումի, ծրարի մեջ դնելով։ Գրիչի կիրառումն արգելվում է, ցանկացած նշում կամ գրառում պարունակող քվեաթերթիկ համարվում է անվավեր։

 

views: 54

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color