Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Նոյեմբերի 21-ին Հայաստանում ԵՄ պատվիրակության ղեկավար, դեսպան Պյոտր Սվիտալսկին ստորագրել է ընտրությունների նախապատրաստման և դիտարկման վերաբերյալ երեք նոր համաձայնագիր:

850,000 եվրո բյուջեով ծրագրերը ֆինանսավորվում են Ժողովրդավարության և մարդու իրավունքների եվրոպական նախաձեռնության Հայաստանի համար նախատեսված բյուջեից և Հայաստանում ժողովրդավար ընտրություններին ուղղված ԵՄ աջակցության մաս են կազմում:

«Քաղաքացու ձայնը քաղաքական իրավունք է, որը պետք է պաշտպանել: Քաղաքացիական հասարակության մասնակցությունը ընտրական գործընթացներին կարևոր է ներառական և արձագանքող ժողովրդավարություն կառուցելու ճանապարհին: Այս ծրագրերի միջոցով քաղաքացիական հասարակության ակտիվիստները կբարձրացնեն իրազեկվածությունը և կներգրավեն ընտրողներին և դիտորդներին ընտրական գործընթացներում, ինչպես նաև կպատշտանեն կանանց, առաջին անգամ ընտրողների, լրագրողների և հաշմանդամություն ունեցող մարդկանց իրավունքները, որպեսզի կայացնեն սեփական ընտրություն: Ես իսկապես հուսով եմ, որ Հայաստանի քաղաքացիները կգնահատեն այս ծրագրերի միջոցով կարևոր, հավասարակշռված տեղեկատվությունը, վերլուծությունները և առաջարկությունները և հաշվետու կառավարություն ունենալուն ուղղված ջանքերը:

Ծրագիրը իրականացվում է #ՕքսԵՋենհիմնադրամի և Հելսինկյան Քաղաքացիական Ասամբլեայի Վանաձորի գրասենյակի կողմից՝ Ներառական իրավական բարեփոխումների կոալիցիայի, «Հետաքննող լրագրողներ» ՀԿ-ի, «Ռեգիոն» հետազոտական կենտրոնի և Քաղաքական դասընթացների երևանյան դպրոցի հետ համատեղ:

facebook.com/eudelegationtoarmenia