0 8000 12 11

FREE Hotline to report human rights violations
slide1
Capacity Building

(Armenian) Եթե հնդիկներն ու պարսիկներն անօրինական ճանապարհով էլ մուտք գործեին, դա խտրական վերաբերմունքի հիմք չէ

January 11, 2019

Media about us

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Վերջին շրջանում սոցիալական ցանցերում խտրականության դրսևորում է նկատվում, ատելության կոչեր են հնչում Հնդկաստանից ու Պակիստանից Հայաստան այցելող անձանց հասցեին.

 

«Մաքրե՛լ, մաքրե՛լ Հայաստանը տարաբնույթ աղբից ու կեղտից։ Մաքրել մեր Սուրբ երկիրը թուրքանման ազգերից»,-գրել էր ֆեյսբուքյան օգտատերերից մեկը՝ Անդանիկ Սարգսյանը:

 

Հունվարի 4-ին Change.org կայքում Սարգիս Տեր-Եսայանի անունով ստորագրահավաք էր կազմակերպվել:

 

Ժամերի ընթացքում ստորագրահավաքին միանում էին շատերը, որն ուղղորդվում էր ագրեսիվության  և խտրականության կոչերով:

 

Ստորագրահավաքին կից նամակ-պահանջի էր ներկայացված՝ նորընտիր Ազգային Ժողովին ուղղված: Տեքստում ակնհայտ դժգոհություն էր հնչում այն մասին, որ հնդիկների, պակիստանցիների համար գործում է առանց վիզայի ռեժիմ, ինչի շնորհիվ նրանք ազատ մուտք ու ելք ունեն Հայաստան: Նշվում էր, որ նրանք էժան աշխատուժ են և կէժանացնեն ՀՀ-ում առանց այդ էլ էժան աշխատուժ են և հայերին դուրս մղելով՝ կգրավեն աշխատաշուկան.

 

«Առաջարկում եմ, որ նորընտիր Ազգային ժողովն իր լիազորություններն ստանձնելուն պես անմիջապես վերանայի մեր երկիր մուտքի վիզա ստանալու անհրաժեշտությունը»,- ասված է հայտարարության մեջ, մատնանշելով, որ Հայաստան գալիս են են աղքատ և անվճարունակ հնդիկները, մուսուլման պակիստանցիները և ներմուծում իրենց բարքեր:

 

«Ես ամենևին էլ  նացիստական չեմ և նացիստական գրառում չկա, սա զուտ ազգային անվտանգությունից ելնելով մտահոգություն է: Մեկնաբանությունների մեջ միգուցե կան ագրեսիվության կոչեր, բայց ոչ իմ կողմից»,-Forrights-ի հետ զրույցում նշեց ստորագրահավաքի կազմակերպիչ Սարգիս Տեր-Եսայանը, մանրամասնելով, որ իր քայլը զուտ անհանգստություն է, ազգային, դեմոկրատիվ խախտման, տնտեսական խախտման համար:

 

Ըստ նրա՝ ստեղծված իրավիճակը ակնհայտ վտանգավոր է պետության համար. «Սա ամենևին տուրիզմ չէ, սա ուսանողական չէ,  սա բաց դռներ Հայաստանի հանրապետությունում:  3000 դրամով բաց վիզայի ռեժիմով մտնում են սահման՝ վճարում են, 5 րոպեում ստանում են 21 օրվա Հայաստանի մուտք»,- ասաց նա,  առաջարկելով՝ մտցնել վիզայի ռեժիմ:

 

Սարգիս Տեր-Եսայանը ստորագրահավաքը կայքում փակելու վերաբերյալ ասաց, որ հնարավոր է որոշ մարմինների կողմից է փակվել, քանի որ տեսել են, որ մարդիկ միանում են և շատանում. «Մոտավոր հասել էին 950-ի, դա կարող էր դառնալ հազարավոր, ուստի անվտանգությունից ելնելով փակեցին»:

 

Վերջինս պնդեց, որ ինքը չի դադարելու պայքարել Հայաստան այսքան շատ հնդիկների, պարիկների ներհոսքի դեմ և այսօրվանից սկսում են նոր  ստորագրահավաք, թե՛ թղթային, թե՛ ինտերնետային տարբերակով.

 

«20 տարի հետո մենք ունենալու ենք ներգաղթած օտարերկրյա քաղաքացիեր՝ հայկական անձնագրերով և արդեն  իսկ իրենք կարող են մասնակցել թե՛ մեր ԱԺ ընտրություններին, թե՛ ՏԻՄ ընտրություններ  և  ունենալու ենք մի ազգ, որը մեր մեջ ինչ ուզի արող է անել»,-ասաց նա  կրկին նշելով, որ դեմորատիվ խնդիր մեր ազգի առաջ  ծանրացած է:

 

«Մեր ազգը շատ քիչ է և եթե այսպիսի ներհոսքը շարունակվի մեր ազգը չի դիմանա, խաչաձև ամուսնություններ կլինեն՝  ներսից արդեն կպայթեցնեն մեզ»,-ասաց Սարգիս Տեր-Եսայանը:

 

«Հելսինկյան քաղաքացիական ասամբլեայի Վանաձորի գրասենյակ»-ի ղեկավար Արթուր Սաքունցի խոսքով, ստորագրահավաքը և դրան զուգահեռ հնչող կոչերը խտրականության դրսևորման ցայտուն օրինակ են:

 

«Ամբողջ խնդիրը նա է, որ եթե հնդիկներն ու պարսիկները անօրինական ճանապարհով էլ մուտք գործեին, դա ամենևին էլ հիմք չէ, որ մարդկանց նկատմամբ ազգային պատկանելության նման խտրական վերաբերմունք դրսևորվի»,- Forrights-ի հետ զրույցում նշեց Արթուր Սաքունցը:

 

Աշխատաշուկան զբաղեցնելու հիմքով բողոքի ալիք սկսկելը, Արթուր Սաքունցի կարծիքով զուտ մտացածին պատրվակ է.  «Դա նույնիսկ տնտեսական  զարգացած երկրներն են օգտագործում, որոշակի ծայրահեական տրամադրություններ ունեցող ուժեր՝ նեքին քաղաքական նպատակներով և սեփական գոյությունը նշանավորելու համար»:

 

Հավելենք, որ Սարգիս Տեր-Եսայանը «Սասնա ծռեր» կուսակցույթան ներկայացուցիչ է: Երեկ կուսակցությունը հայտարարություն էր տարածել, ըստ որի՝ վերջինիս քայլերը ոչ մի կերպ առնչություն չունեն կուսակցության դիրքորոշման հետ:

 

«Միգրացիայի վերաբերյալ հանրային քննարկումների մասին Հայաստանի միգրացիոն քաղաքականությունը պետք է ըստ ամենայնի նպաստի հատկապես Իրանի և Հնդկաստանի հետ մեր ռազմավարական համագործակցության զարգացմանը, ուստի պետք է իսպառ զերծ լինի կրոնական, էթնիկ կամ մշակութային, մասնավորապես՝ իսլամի հետ կապված, տարբերությունների նկատմամբ անհանդուրժողականության, առավել ևս՝ ատելության, դրսևորումներից»,-ասված էր հայտարարության մեջ:

 

Ըստ Արթուր Սաքոնցի՝ «Սասնա ծռեր»-ն իհարկե որոշակի մոտեցումներ ներկայացրին, սակայն ակնկալվում էր, որ պետք է դատապարտվեր.

 

«Խնդիրը վերաբերվում է ոչ թե միգրացիայի կարգավորման, այլ խտրական վերաբերմունքի դրսևորմանը»,-ասաց նա, հավելելով, որ Արդարադատության նախարարությունը պետք է հստակ մեկնաբանի և իր գնահատականը տա:

 

Ըստ ՀՀ ՏԿԶՆ Միգրացիան ծառայությունն ամփոփ տվյալների՝ Հայաստանում գտնվող Հնդկաստանի Հանրապետության քաղաքացիների մասին: Նախ նշվում է, որ 2018թ ամփոփ վիճակագրական տվյալները հասանելի կլինեն հունվարի 20-ից հետո միայն։ Այնուհանդերձ, անգամ առկա տվյալների վերլուծությունը ցույց է տալիս, որ առկա է Հնդկաստանի քաղաքացիների Հայաստան սահմանահատումների թվի աճ։

 

Հատկանշական է, որ 2015թ-ին նրանց սահմանահատումները կազմել են՝ մուտք 3951, ելք 3899, տարբերությունը՝ 52, 2016թ-ին համապատասխանաբար 4226 և 41148, տարբերությունը 78, 2017թ.-ին՝ 11589 և 11278, տարբերությունը 311, իսկ 2018թ. առաջին կիսամյակի տվյալներով արդեն մուտքերը կազմել են 10237 ելքերը 9122, տարբերությունը 1115։

 

Կացության կարգավիճակներ ստացած Հնդկաստանի քաղաքացիների թիվը ևս աճել է։

 

2015թ-ին կացության կարգավիճակ են ստացել Հնդկաստանի Հանրապետության 1119 քաղաքացի. 2016-ին՝ 1086, 2017-ին՝ 938, իսկ 2018թ-ի նախնական արդյունքներով այդ թիվը մոտ է 2000-ին (վերջնական տվյալները կճշտվեն հունվարի 20-ից հետո)։

 

forrights.am

views: 166

Leave a Reply

Your email address will not be published. Required fields are marked *

Feedback

Select the relevant connection

Customize text view

Current Announcements

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color