Helsinki Citizens' Assembly-Vanadzor

(Armenian) Կայացավ Ժողովրդավարության հայկական ֆորումը

May 21, 2022

Publications | News

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Freedom House կազմակերպության և «Իրազեկ քաղաքացիների միավորում» ՀԿ-ի նախաձեռնությամբ այսօր՝ մայիսի 20-ին, Երևանում տեղի ունեցավ «Ժողովրդավարության հայկական ֆորում» միջոցառումը, որը նպատակ է հետապնդում մեկտեղել Հայաստանում ժողովրդավարության խթանմամբ շահագրգիռ բոլոր կողմերին՝ քննարկելու բարեփոխումների ընթացքն ու մարտահրավերները:

 

Միջոցառմանը հատուկ ողջույնի խոսքով հանդես եկավ ՀՀ վարչապետ Նիկոլ Փաշինյանը: Միջոցառման մասնակիցներին ողջունեցին նաև ՀՀ-ում ԵՄ պատվիրակության ղեկավար Անդրեա Վիկտորինը, Եվրոպայում և Եվրասիայում Freedom House-ի ծրագրերի ղեկավար Մարկ Բեհրենդտը: Ֆորումին ներկա էին օրենսդիր ու դատական իշխանությունների ամենաբարձր ներկայացուցիչներ, դեսպաններ, միջազգային իրավապաշտպան ու հայաստանյան քաղաքացիական հասարակության ներկայացուցիչներ:

 

Ողջունելով ֆորումի մասնակիցներին՝ վարչապետ Փաշինյանը հայտարարեց, որ Հայաստանի Հանրապետությունում քաղաքացին է ժողովրդավարության ամենակարևոր ինստիտուտը: «Այսօր հենց քաղաքացին է ՀՀ ժողովրդավարության առանցքային երաշխավորը: Սա պայմանավորված է նրանով, որ ՀՀ քաղաքացին գիտի, որ ինքը որոշող է, որ ինքը որոշում կայացնող հիմնական և առանցքային սուբյեկտն է այնպես, ինչպես նախատեսված է ՀՀ Սահմանադրությամբ»,- ասաց Փաշինյանը: Վարչապետը ընդգծեց, որ ժողովրդավարությունը ինստիտուցիոնալիզացման կարիք ունի և որ հենց ժողովրդավարությունն է երկրի անվտանգության ու ինքնիշխանության կարևորագույն մեխանիզմը:

 

Ողջույնի իր խոսքում ՀՀ-ում ԵՄ պատվիրակության ղեկավար դեսպան Անդրեա Վիկտորինը նշեց, որ ամբողջ աշխարհում աճող ժողովրդավարացման շրջանից հետո շատ երկրներ կարծես հետընթաց են ապրում: «Հայաստանը նույնպես բախվել է այնպիսի լուրջ մարտահրավերների, ինչպիսիք են համավարակը, 44-օրյա պատերազմը,  հետպատերազմյան իրավիճակը և վերջերս Ուկրաինայում Ռուսաստանի սանձազերծած պատերազմի ազդեցությունը»,- ասաց ԵՄ դեսպանը՝ հավելելով, սակայն, որ Հայաստանին հաջողվել է պահպանել հիմնական ազատությունները:

 

Իր հերթին, Եվրոպայում և Եվրասիայում Freedom House-ի ծրագրերի ղեկավար Մարկ Բեհրենդտը նշեց, որ ի հեճուկս վերոնշյալ խնդիրների, Freedom House-ն առաջընթաց է արձանագրել Հայաստանում ժողովրդավարության և մարդու իրավունքների պաշտպանության հարցում: «Բայց, այնուամենայնիվ, մեզ անհանգստացնում է վիրավորանքի քրեականացման խնդիրը, որը կարող է սահմանափակել ժողովրդավարության և խոսքի ազատությունը Հայաստանում»,- նշեց Մարկ Բեհրենդտը:

 

Միջոցառման առաջին մասում տեղի ունեցավ Հայաստանում ժողովրդավարական բարեփոխումների ընթացքի հետ կապված հարցերի վերաբերյալ քննարկում, որին մասնակցեցին ՀՀ-ում ԱՄՆ արտակարգ և լիազոր դեսպան Լին Թրեյսին, ՀՀ արդարադատության նախարար Կարեն Անդրեասյանը, Կոռուպցիայի կանխարգելման հանձնաժողովի նախագահ Հայկուհի Հարությունյանը, ՀՀ ոստիկանության Պարեկային ծառայության պետ Արթուր Ումրշատյանը և ՀՔԱՎ ներկայացուցիչ Վարդինե Գրիգորյանը:

 

 

Երկրորդ պանելային քննարկման ժամանակ անդրադարձ եղավ Հայաստանում ժողովրդավարության կոնսոլիդացման և մարդու իրավունքների ջատագովությանը, որի վերաբերյալ իրենց դիրքորոշումները հայտնեցին և մտքերի փոխանակություն արեցին  Անդրեա Վիկտորինը, Մարկ Բեհրենդտը, ՀՀ մարդու իրավունքների պաշտպան Քրիստինե Գրիգորյանը, Human Rights House-ի ներկայացուցիչ Քեթևան Աբաշիձեն և ՀՔԱՎ նախագահ Արթուր Սաքունցը:

 

Ֆորումի եզրափակիչ մասում հատուկ քննարկվեցին նաև Հայաստանում ապատեղեկատվության և մեդիայի հետ կապված հարցերը: Խնդրի շուրջ իրենց տեսակետները հայտնեցին ՀՀ ԱԺ պատգամավոր Սիսակ Գաբրիելյանը, ԵԱՀԿ ԶԼՄ-ների ազատության հարցերով ավագ խորհրդական Բետտինա Ռուջիսը, Հեռուստատեսության և ռադիոյի հանձնաժողովի նախագահ Տիգրան Հակոբյանը, Մեդիա նախաձեռնությունների կենտրոնի տնօրեն Նունե Սարգսյանը և «Փաստերի ստուգման հարթակի» գլխավոր խմբագիր Հակոբ Կարապետյանը:

 

Freedom House-ը և «Իրազեկ քաղաքացիների միավորումը» նախատեսում են Ժողովրդավարության հայկական ֆորումը դարձնել ամենամյա:

 

views: 69

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color