Helsinki Citizens' Assembly-Vanadzor

(Armenian) «Ինչ-որ կոռուպցիոն, ապօրինի անտառահատումների սխեմա է աշխատել և կազմակերպված բնույթ է կրել». Արթուր Սաքունց

July 19, 2019

Multimedia

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

«Դատապարտում եմ ոստիկանության աշխատակիցների նկատմամբ բռնությունները»,- ԳԱԼԱ-ի «Առանցքում» հաղորդման շրջանակներում այս կարծիքն արտահայտեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը՝ հավելելով՝ խաղաղ բողոքի ակցիայի մասնակիցները, ովքեր նման վարքագիծ են դրսևորում, այլևս դադարեցնում են ակցիայի խաղաղ բնույթը:

 

Սաքունցի խոսքերով՝ ամեն մեկի գործողությունը պետք է ստանա համարժեք իրավական գնահատական և չունենա պատժիչ բնույթ։

 

«Շատ կարևոր է հասկանալ դրդապատճառները, թե ինչու են մարդիկ հավաքվել, և այստեղ պետք է մի քանի հարցեր բարձրացնել՝ արդյոք դա նորություն էր, արդյոք այդ խնդիրը փորձել են համարժեք գործողություններով լուծել, որովհետև եթե խնդիրը վերաբերում է ապօրինի անտառահատման, ապա ապօրինի անտառահատումներ կատարողներին վաղուց պետք է հայտնաբերեին և պատասխանատվության ենթարկեին»:

 


Իրավապաշտպանի դիտարկմամբ՝ չենք կարող պատկերացնել, որ բոլորին միաժամանակ, առնվազն 200 անտառահատումներ կատարողների փորձել են ձերբակալել, կարծես թե միաժամանակ են նրանք գործել.

 

«Սա նշանակում է, որ ժամանակին համարժեք գործողություններ չկատարելու հետևանք է այս բողոքի ցույցը: Երբ որ անողոք պայքար մղվեր անտառահատումների դեմ, ես չեմ կարծում, որ բողոքի ցույց լիներ»:

 

Իրավապաշտպանն ընդգծեց նաև. «Հաշվի առնելով, որ սա երկար տարիների հետևանք է, պետք է ենթադրել, որ ինչ-որ կոռուպցիոն, ապօրինի սխեմա է աշխատել անտառահատումների և կազմակերպված բնույթ է կրել, որովհետև մեկ չէ, երկուսը չէ, առնվազն եթե 500 հոգի մասնակցել են, ուրեմն առնվազն 200 հոգի զբաղվել են ապօրինի անտառահատմամբ: Սա արդեն հիմք է տալիս ենթադրելու, որ դա ունեցել է կազմակերպված բնույթ. հարց՝ ո՞վ է կազմակերպողը եղել»:

 

Անդրադառնալով ոստիկանության աշխատանքներին և բռնության դրսևորումներին՝ իրավապաշտպանն ասաց.

 

«Բժշկական օգնություն ստացածների թվում ոստիկանների թիվն ամենամեծն է եղել։ Սա խոսում է այն մասին, որ ընդհարման ժամանակ ավելի շատ ենթարկվել են ոստիկանության աշխատակիցները, բայց այն տեղեկատվությունը, որ տարածվեց, թե ոստիկանները գիշերով այցելել են բնակարաններ և ինչ-որ գործողություններ իրականացրել, ապա այդ գործողությունների իրավաչափության մասին պետք է տրվի իրավական գնահատական»:

 

 

 

galatv.am

views: 516

Leave a Reply

Your email address will not be published. Required fields are marked *

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color