Helsinki Citizens’ Assembly-Vanadzor

Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.

Վանաձորի 23/50 ընտրատեղամասում, որը գտնվում է թիվ 17 ավագ դպրոցի տարածքում, ընտրողների ակտիվություն նկատվեց ժամը 11:00-ից հետո: Մինչ այդ ժամը 1927 ընտրողների ընդհանուր թվի միայն 8-ն էր կատարել իր ընտրությունը, այն է՝ 150 քաղաքացի: 12:30-ից սկսած ընտրողների թիվը հատեց 320-ի սահմանը: 

Հելսինկյան քաղաքացիական ասամբլեայի Վանաձորի գրասենյակի տնօրեն Արթուր Սաքունցի խոսքով՝ այս ընտրություններին ուղղորդումներ չի տեսնում:

«Հասցրել եմ լինել երկու ընտրատեղամասում դեռևս, ուղղակի հանձնաժողովի անդամները պետք է շատ ավելի պատրաստված լինեին, որպեսզի ընտրական գործընթացն ավելի լավ կազմակերպեն, բացատրեն քվեարկության կարգը: Այլ մտահոգություններ դեռևս չկան»:

«Ի տարբերություն նախորդ ընտրությունների՝ ընտրողների ակտիվությունը բավականին մեծ է»,- նկատում է Արթուր Սաքունցը՝ նշելով, որ դա հիմնականում կախված է տեղամասերից: 

hetq.am