Feedback

«Պրիմիտիվությունն ու շուստրիությունը խելացիության և մտահոգության ցուցանիշ չէ»

May 13, 2019

Media about us

Իրավապաշտպան Արթուր Սաքունցը ֆեյսբուքյան իր էջում գրում  է. «Բայց պարազիտության ու ճիզվիտության ինչ աստիճանի կարելի է հասնել էլի։

 

Թե բա՝ Արցախի և Հայաստանի ռազմավարական ալյանս։ Բա 1988-ից մինչ այսօր, ի՞նչ էր, ալյանս չէ՞ր, թե՞ ալյանսը 2018թ. մայիսին վերացավ, ու մի գլխապատառ, հարայ-հրոցով փրկության ալյանս եք հիմնում. իբր ի՞նչ։

 

Իբր թե մի այնպիսի աշխարհափրկիչ, դղրդացնող միտք են հղացել։ Այլևս ինքնափրկության ո՛չ գաղափար, ո՛չ էլ տեղ ունեն, նորից Արցախի հաշվին են փորձում վերահաստատվել, իբր թե՝ դեռ կանք, շնչում ենք։

 

Ռազմահայրենասիրականի գիծը հիշում են, երբ կոռուպցիոն իշխանության լափամանից զրկվում են։ Բա քսան տարի իշխանություն էիք, բա ալյանս ստեղծեիք, ի՞նչ էիք անում, ինչո՞վ էիք զբաղված։

 

Թե՞ կոռուպցիոն ալյանսի վերակենդանացման հույսերը հանգիստ չեն տալիս, դեռ տառապում եք կորցրածից։ Չի լինելու, ու չեք հաջողելու, քանի որ ազնիվ չեք, ու անկեղծ չեք, ոչ էլ եղել եք այդպիսին։ Հանգիստ նստեք տեղներդ։

 

Ո՛չ բանակում կոռուպցիայի մասին եք խոսել, ո՛չ թալանի ու կողոպուտի մասին եք ծպտուն հանել, ոչ էլ ինքնասպանությունների ու սպանությունների մասին. քսան տարի դինջանում էիք իշխանության օթյակներում, առանց մտահոգվելու։ Հիմա նո՞ր սկսեցիք մտահոգվել։

 

Այո, մտահոգ եք, բայց՝ միմիայն իշխանությունը կորցնելու պատճառով, միմիայն կատարած հանցագործությունների համար անխուսափելի պատասխանատվություն կրելու համար եք մտահոգ։ Չնայած, ճիշտ էլ մտահոգվում եք: Բայց հանկարծ չփորձեք այդ անձնական շարժառիթներով մտահոգությունները պետության ու նրա քաղաքացիների վզին փաթաթել։ Դեռ ահագին ժամանակ ունեք խելքի գալու ու իսկապես դինջանալու պետության սահմանված չափաբաժնի հաշվին՝ ՔԿՀ֊ներում։ Պրիմիտիվությունն ու շուստրիությունը խելացիության և մտահոգության ցուցանիշ չէ»։ 

 

shabat.am

views: 968

Leave a Reply

Feedback

Select the relevant connection

  • Font size
    A A A
  • Font
    arial verdana tahoma
  • Thickness
    regular light bold
  • Spacing
    1px 2px 3px
  • Color scheme
    Black on a white background White on a black background
  • Background color
  • Text color