Պատերազմները միանգամից չեն ծագում: Պատերազմը նաև Ադրբեջանի իշխանությունների կողմից էթնիկ ատելության շարունակական, անպատիժ և հետևողական քարոզչության հետևանք էր:
«Քսենոֆոբիան՝ Ադրբեջանում. գեներացվող ատելություն» թեմայով առցանց քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը: «Խնդրի քաղաքական կարգավորմամբ զբաղվող ԵԱՀԿ Մինսկի խմբի հիմնարար երկու սկզբունքները՝ կոնֆլիկտը միայն խաղաղ ճանապարհով լուծելու և ուժի գործադրումից հրաժարվելու սկզբունքները կոպտորեն խախտվել են, բայց միջազգային հանրությունը պատշաճ արձագանք և գնահատական չի ներկայացրել»,- նշեց Սաքունցը:
Նրա դիտարկմամբ՝ հայերի նկատմամբ Ադրբեջանի հռետորիկան, ատելության քարոզի քաղաքականությունը շարունակվում է նաև պատերազմից հետո, և այս խնդիրը մնում է արդիական:
