Հելսինկյան քաղաքացիական ասամբլեայի Վանաձորի գրասենյակ
«Պետական ապարատը պետք է կրճատվի». Արթուր Սաքունց
Իրավապաշտպան Արթուր Սաքունցը ֆեյսբուքյան իր էջում գրել է. «Պետական ապարատը պետք է կրճատվի, քանի որ այն ուռճացված է եղել և հաստիքներն ստեղծվել են ոչ թե ըստ լուծվելիք խնդիրների ծավալի, կամ ըստ դրանց լուծման համար մասնագիտական պահանջարկի, այլ տարբեր՝ քաղաքական, անձնական և այլ նկատառումներից ելնելով, զուտ մարդկանց տեղավորելու նպատակով: Բայց այսպես կոչված կրճատման, իրականում աշխատանքների ծավալին համապատասխանեցնելու խնդրի լուծման համար, պետք է լուծվելիք խնդիրների շրջանակն ու ծավալները հստակ որոշել` ըստ պահանջվող մասնագիտական կարողությունների: Վերջին խնդրի լուծման համար էլ իր հերթին պետք է հստակեցվեն պետական մարմնի լիազորությունների շրջանակն ու ծավալները, և դրա համար անհրաժեշտ գործողությունները, անելիքները: Եթե այս ամենն արվի, վստահ եմ` դժգոհությունների մի ամբողջ ծավալ չի լինի պարզապես, որովհետև մարդկանց համար պարզ կլինի, թե ինչու համար և ինչ հիմնավորմամբ են վերանայվում հաստիքացուցակը: Միաժամանակ, պետք է մշակել վերամասնագիտացման ծրագրեր ազատված մարդկանց համար, որոնք ըստ նախասիրությունների և ընտրության կցանկանան շարունակել իրենց գործունեությունը որևէ բնագավառում: Մարդկանց համար կանխատեսելի, որոշակի և հասկանալի պետք է լինեն ընդունվող որոշումները»:
Հետադարձ կապ
Հելսինկյան քաղաքացիական ասամբլեայի Վանաձորի գրասենյակ
(+374) 322 4 22 68
ՀՔԱ Վանաձորի գրևասենյակի Երևանյան ներկայացուցչություն
(+374) 11 24 22 68
