Համացանցի բովանդակության կարգավորումը համաշխարհային մարտահրավեր է տարբեր երկրների
կառավարությունների, ինտերնետ կապ ապահովող մասնավոր միջնորդ կազմակերպությունների և ինտերնետ
օգտագործողների համար: Թեև թվային տեխնոլոգիաները կարող են նպաստել անհատի ազատությունների,
մարդու հիմնարար իրավունքների արդյունավետ իրացման և ժողովրդավարական կառավարման
ամրապնդմանը, դրանք կարող են նաև էական վտանգներ ներկայացնել մարդու արժանապատվության
և անվտանգության, հասարակական կարգի, ազգային անվտանգության և այլ օրինական հանրային շահերի
համար, որոնց պաշտպանությունը պետության՝ Սահմանադրությամբ ամրագրված պարտավորությունն
է։ Անհրաժեշտ է ապահովել նուրբ հավասարակշռություն անհատի իրավունքների, ինչպիսիք են
տեղեկություններ և գաղափարներ ստանալու և տարածելու ազատությունը, և հանրային իրավաչափ շահերի
միջև։ Հայաստանում այդ հավասարակշռությանը հասնելու և այն պահպանելու համար առանցքային
նշանակություն ունի առցանց բովանդակության կարգավորման իրավական դաշտի ստեղծումը՝ Հայաստանի
Սահմանադրությանը և ՄԱԿ-ի, Եվրոպայի խորհրդի (ԵԽ) և Եվրոպական Միության (ԵՄ) առջև Հայաստանի
ստանձնած միջազգային պարտավորություններին համապատասխան։
Զեկույցը՝ ԱՅՍՏԵՂ։
