Հելսինկյան քաղաքացիական
ասամբլեայի Վանաձորի
գրասենյակ

Ներկայացվեց «Զինված ուժերի բարեփոխումների վերաբերյալ կանաչ թուղթ» աշխատությունը

2022 թ․ հունիսի 23-ին Հելսինկյան քաղաքացիական ասամբլեայի Վանաձորի գրասենյակը Երևանում ներկայացրեց «Զինված ուժերի բարեփոխումների վերաբերյալ կանաչ թուղթ» աշխատությունը, որի համահեղինակներն են բրիտանական Լեսթերի համալսարանի դոկտորանտ և դասախոս, պ.գ.թ. Էդուարդ Աբրահամյանը և ռազմաքաղաքական հարցերով փորձագետ Արմինե Մարգարյանը։ Աշխատության ներկայացմանը հաջորդեց քննարկում, որին մասնակցում էին պետական մարմինների ներկայացուցիչներ, անվտանգության եւ ռազմական փորձագետներ, հասարակական կազմակերպությունների ներկայացուցիչներ։

 

Միջոցառման բացման խոսքում ՀՔԱՎ նախագահ Արթուր Սաքունցը նշեց, որ այս աշխատությունը կարևոր է ոչ միայն 44-օրյա պատերազմի, այլև Ուկրաինայի դեմ Ռուսաստանի սկսած պատերազմի համատեքստում, ինչի արդյունքում ՀՀ-ն գտնվում է գլոբալ և տարածաշրջանային առումով աշխարհաքաղաքական լուրջ մարտահրավերների առջև։

 

«Մենք ունենք մարտահրավերների մի ամբողջ փունջ, որոնց պետք է տրվեն լուծումներ, պետք է հստակ տեսլական ներկայացվի հանրությանը, թե ինչպիսի զինված ուժեր ենք ուզում տեսնել»,-իր խոսքում նշեց Ա․ Սաքունցը։

 

44-օրյա պատերազմի ծանր հետևանքները էականորեն փոխել են Հայաստանի Հանրապետության անվտանգային միջավայրը, ինչպես նաև առաջացրել են Հայաստանի անվտանգային ճարտարապետության խորը ճգնաժամ։ Հելսինկյան քաղաքացիական ասամբլեայի Վանաձորի գրասենյակը այս աշխատությունը նախաձեռնել է նշված մարտահրավերներին դիմագրավելու անհրաժեշտությամբ պայմանավորված։ Աշխատությամբ առաջարկվում է ՀՀ զինված ուժերի բարեփոխումների հայեցակարգի հիմքում դնել «փոքր պետության» ռազմական ռազմավարության ադապտացիայի գիտատեսական մոտեցումը։

 

Աշխատության համահեղինակ, փորձագետ Էդուարդ Աբրահամյանն աշխատության ներկայացման ընթացքում հույս հայտնեց, որ աշխատությունը կծառայի պետությանը, բարեփոխումների գործընթացներին և պետության հետ երկխոսության դաշտ կձևավորի․

 

«Բանակը, զինված ուժերը պետության, հանրության մի մասն է և չի կարող ինքնուրույն զարգանալ, դա երկկողմանի գործընթաց է»։

 

 

Փաստաթուղթն անդրադառնում է նաև Հայաստանի Հանրապետության զինված ուժերի քաղաքացիական, ժողովրդավարական վերահսկողության առկա մեխանիզմներին, անվտանգային ոլորտի նկատմամբ խորհրդարանական վերահսկողության գործիքներին, արդյունավետ և նոր մեխանիզմների ձեւավորման անհրաժեշտությանը՝ ի նպաստ թափանցիկության եւ հաշվետվողականության սկզբունքների հնարավորինս արդյունավետ ապահովման և կոռուպցիոն ռիսկերի նվազեցման: 

 

Աշխատության համահեղինակ, փորձագետ Արմինե Մարգարյանը քննարկման շրջանակում շեշտեց զինված ուժերի նկատմամբ ժողովրդավարական, քաղաքացիական վերահսկողության կարևորությունը․

 

«Ժողովրդավարական կառավարման ժամանակ խորհրդարանը, դատական մարմինները, անկախ լրատվամիջոցները, քաղացիական հասարակությունը վերահսկում են զինված ուժերի գործունեությունը, դրանով ապահովում են զինված ուժերի թափանցիկությունն ու հաշվետվողականությունը»։

 

Աշխատության ներկայացմանը հաջորդած քննարկմանը մասնակից պետական մարմինների ներկայացուցիչներն ու փորձագետները նշեցին, որ աշխատությունն իր բովանդակությամբ և քննարկած հարցերի շրջանակով բացառիկ է և առաջ է քաշում կարևոր հարցեր, վերհանում խնդիրներ ու ներկայացնում առաջարկներ։

 

 

Ակնկալում ենք ներկայացված հայեցակարգի նախագծի շուրջ ակտիվ քննարկումներ ինչպես պաշտպանական գերատեսչության, այնպես էլ անվտանգային քաղաքականություն մշակող մարմինների, մասնավորապես՝ ՀՀ անվտանգության խորհրդի ներգրավմամբ։

 

Փաստաթուղթն արդեն ներկայացվել է ՀՀ պետական մարմիններին, որոնք արձագանքել և իրենց դիտարկումներն են ներկայացրել։

 

Աշխատությունն ամբողջությամբ հասանելի է ԱՅՍՏԵՂ

 

 

On 23 June 2022, Helsinki Citizens’ Assembly-Vanadzor presented the Green Paper on the Reforms in the Armed Forces, which is co-authored by PhD Eduard Abrahamyan, lecturer and doctoral candidate at the University of Leicester, and Armine Margaryan, expert of political and military matters. After the presentation, a discussion was organized with representatives of state authorities, security and military experts, as well as representatives of non-governmental organizations. 

 

In the opening speech, HCA Vanadzor Chairman Artur Sakunts noted that the Paper is important not only in the context of the 44-day war, but also in the context of the war launched by Russia against Ukraine, as a result of which the Republic of Armenia is facing geopolitical issues globally and regionally.

 

“We have a whole bunch of challenges that need to be resolved, and a clear vision should be presented to the public as to the Armed Forces we want to see”, A. Sakunts noted.

 

The grave consequences of the 44-day war essentially changed the security environment of the Republic of Armenia and also generated a deep crisis in the security architecture of Armenia. Helsinki Citizens’ Assembly-Vanadzor initiated this paper due to the need for withstanding those challenges. The paper proposes to have the scientific approach of the “small state” military strategy adaptation in the basis of the concept of the reforms of the RA Armed Forces. 

 

During the presentation of the paper, co-author of the paper, expert Eduard Abrahamyan expressed his hope that the paper would serve the state and the reforms processes, and would form a platform of dialogue with the state,

 

“The army, the Armed Forces are a part of the state, the society, and cannot develop on their own, it’s a two-way process”.

 

The paper addresses the existing mechanism of civil, democratic oversight of the Armed Forces of the Republic of Armenia, the tools of the parliamentary oversight of the security sector, the need for the formation of effective new mechanisms aimed at ensuring the principles of transparency and accountability, and reduction of corruption risks.

 

Co-author of the paper, expert Armine Margaryan stressed the importance of the democratic, civil oversight of the Armed Forces,

 

“In a democratic governance, the Parliament, judicial authorities, independent media, and civil society conduct oversight of the activity of the Armed Forces, and thus ensure transparency and accountability of the Armed Forces”.

 

Representatives of the state authorities and experts, who were participating in the discussion after the presentation of the paper, noted that the paper is exceptional in its substance and the scope of matters it discusses, it raises important issues, identifies problems and presents recommendations.

 

We expect active discussions around the presented draft concept with the involvement of defense agencies, as well as authorities in charge of developing the security policy, in particular, the RA Security Council. 

 

The document has already been shared with the RA state authorities, which have presented their observations.

 

The full paper is available HERE (in Armenian).

[:]

Կիսվել՝

Եթե խախտվել են ձեր իրավունքները`

զանգեք +374 77 042268

Կարդալ նաև

Զեկույցներ

Նմանատիպ նյութեր