Helsinki Citizens' Assembly-Vanadzor

menu

ՀՔԱՎ-ի աջակցությամբ հոգեկան առողջության խնդիրներ ունեցող երկու զորակոչիկ ստացել են տարկետում

April 11, 2024

Առողջության պաշտպանվածության իրավունք | Գործունեություն | Իրավական աջակցություն | Իրավական աջակցություն | Իրավունքներ | Ծրագիր։ Զորակոչիկների եւ զինծառայողների իրավունքների պաշտպանություն | Հաջողության պատմություններ | Պետական կառույցներ

ՀՔԱՎ գրասենյակը ինչպես նախորդ զորակոչերին, 2024 թ. ամառային զորակոչին ևս  կտրամադրի  անվճար իրավաբանական  խորհրդատվություն։

Նախորդ՝ 2023 թ. ձմեռային զորակոչին իրավունքների պաշտպանության համար  ՀՔԱՎ գրասենյակ է դիմել 31 անձ, որոնցից 28-ը՝ առողջական խնդիրների հարցով։ 

Երկու զորակոչիկի դեպքում ԿԲՀ-ն նրանց պիտանի է ճանաչել՝ հաշվի չառնելով զորակոչիկների մոտ առկա հոգեկան առողջության խնդիրները։

 

 

. 2023թ․-ի դեկտեմբերին ՀՔԱՎ գրասենյակ է դիմել Գ․Ն․-ն։ Վերջինս ճանաչվել էր պիտանի զինվորական ծառայության համար, չնայած այն հանգամանքին, որ ունի առողջական խնդիրներ, մասնավորապես՝ նյարդային համակարգի հետ կապված խնդիրներ։ Այդ  մասին Գ․Ն․-ն ներկայացրել է գանգատներ զորակոչային հանձնաժողովին, սակայն զորակոչի շրջանակներում չի ուղեգրվել որևէ բժշկական հետազոտության։ ՀՔԱՎ-ը դիմել է  ՀՀ Պաշտպանության նախարարություն  և ՀՀ ՊՆ զորակոչային և զորահավաքային համալրման ծառայություն՝ 

  • զորակոչիկին առողջական վիճակի գանգատների հիման վրա համապատասխան բժշկական հետազոտության ուղեգրելու,
  • իրական առողջական վիճակը պարզելու և 
  • միայն պատշաճ հետազոտություններ անցկացնելուց հետո ԿԲՀ նիստին ներկայացնելու և 
  • պիտանիության մասին որոշում կայացնելու հարցով։ 

 

Ի պատասխան մեր գրության` ՊՆ-ից ստացել ենք պատասխան, որ Գ․Ն․-ն կրկին ներկայացվել է Կենտրոնական բժշկական հանձնաժողովի փորձաքննությանը, ինչի արդյունքում ճանաչվել է բուժման կարիք ունեցող և 10 ամսով տարկետում է ստացել։

 

. Մյուս զորակոչիկին ՝ Ա․Հ․-ին  երկու անգամ՝ 2021-ին և 2022-ին տրամադրվել է տարկետում 1 տարի ժամկետով։ Ա․Հ․-ի մոտ  ևս ախտորոշվել էին հոգեկան առողջության խնդիրներ։ 2023 թ. ձմեռային զորակոչի շրջանակներում իրականացված հետազոտության արդյունքում զորակոչիկի առողջական վիճակում և ախտորոշման մեջ փոփոխություններ չէր նկատվել, որոնք արձանագրվել էին նախորդ՝ 2021 և 2022 թթ. փորձաքննությունների ժամանակ, սակայն զորակոչիկը պիտանի էր ճանաչվել զինվորական ծառայության համար։ ՀՔԱՎ-ը այս դեպքով ևս դիմեց ՀՀ  Պաշտպանության նախարարություն և ՀՀ ՊՆ զորակոչային և զորահավաքային համալրման ծառայություն։ Արդյունքում՝ Ա․Հ․-ին զինվորական ծառայությանը պիտանիության վերաբերյալ որոշումը վերանայվեց և նրան տրամադրվեց  տարկետում 3 տարի ժամկետով։ 

 

ՀՔԱՎ-ը շարունակում է տրամադրել ոչ միայն անվճար իրավաբանական աջակցություն զորակոչիկներին, զինվորական հաշվառման ենթակա և պահեստազորում հաշվառված անձանց, զինծառայողներին և նրանց հարազատներին, այլև գնահատում է 

  • զորակոչի կազմակերպման գործընթացը, 
  • զորակոչը կազմակերպող պետական մարմինների վարքագիծը,
  • օրեսնդրության կիրառման վիճակը, 
  • բացահայտում զորակոչի կարգավորման օրենսդրության թերությունները, և դրանց հիման վրա 
  • ներկայացնում է առաջարկություններ ՀՀ պաշտպանության նախարարությանը հետագա զորակոչերի կազմակերպման ընթացքում զորակոչիկների իրավունքների պաշտպանության ավելի արդյունավետ մեխանիզմներ  ձևավորելու նպատակով։ 
Դիտումներ՝ 67

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • ???????
    A A A
  • ?????????
    arial verdana tahoma
  • ???????????
    regular light bold
  • ??????????????
    1px 2px 3px
  • ???????? ?????
    ???? ??????? ??? ???????? ??? ???
  • ???? ??????
  • ?????? ??????