Եվրախորհրդարանը, բանաձև ընդունելով Լեռնային Ղարաբաղի շրջափակման հումանիտար հետևանքների մասին, կոչ է անում Ադրբեջանին հարգել և կյանքի կոչել 2020 թ. նոյեմբերի 9-ի եռակողմ հայտարարության դրույթները և անմիջապես վերաբացել Լաչինի միջանցքը՝ ապահովելու ազատ տեղաշարժը և հիմնական ապրանքների ու ծառայությունների հասանելիությունը:
Ադրբեջանին կոչ է արվում նաև զերծ մնալ սադրիչ հռետորաբանությունից, Արցախը լքելու՝ հայերին ուղղված կոչերից, ինչպես նաև Հայաստանի ու Լեռնային Ղարաբաղի միջև տրանսպորտային, էներգետիկ և կոմունիկացիոն կապերի հետագա գործունեության խափանումից:
Սեպտեմբերի 13-15-ը Ադրբեջանի Հանրապետության սանձազերծած պատերազմի ընթացքում Հելսինկյան քաղաքացիական ասամբլեայի Վանաձորի գրասենյակը՝ մի շարք հկ-ների հետ համատեղությամբ և առանձին, տարածել է հայտարարություններ և նամակներ՝ միջազգային կառույցներին կոչ անելով համարժեք և անզիջում արձագանք տալ՝ իրավիճակի վատթարացումը կանխելու համար։ Հայտարարությունները ստորև՝
❗️ Հրատապ գործողությունների կոչ՝ ի պատասխան Հայաստանի դեմ Ադրբեջանի ագրեսիայի
❗️ Ադրբեջանի ագրեսիայի հարցով Հայաստանի ՀԿ-ները դիմել են ՄԱԿ-ի Մարդու իրավունքների հանձնակատարին
