0 8000 12 11

Մարդու իրավունքների պաշտպանության անվճար թեժ գիծ
menu
slide1
Կարողությունների զարգացում

ՀՀԿ-ի գույքի ու ֆինանսական միջոցների գոյացման օրինականության վերաբերյալ ՀՔԱՎ-ի հաղորդման հիման վրա քրեական գործ չի հարուցվել

April 5, 2019

Գործունեություն | Իրավական աջակցություն | Իրավական աջակցություն | Հրապարակումներ | Նորություններ

Ոստիկանության Կենտրոնական բաժնում ՀՀԿ-ի գույքի ու ֆինանսական միջոցների գոյացման օրինականության վերաբերյալ ՀՔԱ Վանաձորի հաղորդումը 4 ամիս ուսումնասիրելուց հետո պարզել են, որ հաղորդումը հանցագործության մասին տեղեկատվություն չի պարունակում։

 

Այս մասին ՀՔԱ Վանաձորի գրասենյակին 2019թ․ փետրվարի 11-ին թվագրված գրությամբ հայտնել է Կենտրոն և Նորք-Մարաշ վարչական շրջանների դատախազության ավագ դատախազ Հ․ Խաչատրյանը՝ ամիսներ առաջ ներկայացված հանցագործության մասին հաղորդման ճակատագրի մասին տեղեկություն ստանալու՝ ՀՔԱՎ-ի հարցումից հետո։

 

2018թ. նոյեմբերի 2-ին ներկայացրած հաղորդման մեջ ՀՔԱ Վանաձորի գրասենյակը վկայակոչել էր 2017թ. ապրիլին կայացած խորհրդարանական ընտրությունների ժամանակ 20 տարի կառավարող կուսակցություն եղած ՀՀԿ-ի ներկայացրած հայտարարագրերը, որոնցից ակնհայտ էր դառնում, որ ՀՀԿ-ն ունի 3 անգամ ավելի ֆինանսական ու գույքային ռեսուրսներ, որքան ՀՀ-ում գործող մյուս բոլոր կուսակցությունները միասին վերցրած, և դրանք տեղակայված են ՀՀ ողջ տարածքում:

 

3 ամիս շարունակ հաղորդման ճակատագրի մասին որևէ տեղեկություն չստանալուց հետո 2019 թ հունվարի 22-ին ՀՔԱ Վանաձորի գրասենյակը դիմեց ՀՀ գլխավոր դատախազ Ա Դավթյանին՝ կայացված որոշումն ստանալու համար և ստացավ քրեական գործ չհարուցելու մասին Կենտրոն և Նորք-Մարաշ վարչական շրջանների դատախազության ավագ դատախազ Հ․ Խաչատրյանի պատասխանը։

 

Վերջինս տեղեկացրել է, որ ստուգողական գործողություններից հետո ստուգման նյութերը 2018թ դեկտեմբերի 27-ին եզրակացությամբ կցվել են քարտուղարության կարգագրին։

 

Նկատենք, որ հանցագործության մասին տեղեկատվություն պարունակող հաղորդումը իրավասու մարմինը որպես այդպիսին չի ընդունել և դրա հիման վրա Քրեական դատավարության օրենսգրքի իմաստով առհասարակ որոշում չի կայացրել։ Մինչդեռ պարտավոր էր որոշում կայացնել և այն տրամադրել հաղորդում ներկայացրած անձին։

 

ՀՔԱ Վանաձորի գրասենյակը 2019թ․-ի մարտի 27-ին դիմել է ՀՀ գլխավոր դատախազ Ա․ Դավթյանին՝ հաղորդման հիման վրա որոշում կայացնելու և այն ՀՔԱՎ-ին տրամադրելու պահանջով։

 

Դիտումներ՝ 162

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը