«Անկախ դիտորդ» հասարակական դաշինքը հավաքագրում է դիտորդներ՝ ՀՀ Ազգային ժողովի արտահերթ ընտրությունների քվեարկության օրը՝ դեկտեմբերի 9-ին, Երևան քաղաքում և ՀՀ բոլոր մարզերում դիտորդական առաքելություն իրականացնելու համար:
Հայտերի ընդունումն ու դիտորդների վերապատրաստումը կատարվում է ընթացիկ կերպով մինչև թափուր տեղերի համալրումը, սակայն հայտերի ընդունման վերջնաժամկետն է 2018թ. նոյեմբերի 20-ը՝ ժ․ 23:59:
Հավաքագրումը անցկացվում է ՀՀ բոլոր մարզերում:
Աշխատանքների համար նախատեսվող փոխհատուցումը կազմում է 15 000 ՀՀ դրամ:
«Անկախ դիտորդ» հասարակական դաշինքի հետ համագործակցության փորձը կդիտարկվի որպես առավելություն, սակայն կանչը բաց է բոլորի համար: Նախատեսվում է բոլոր դիտորդների պարտադիր երկօրյա վերապատրաստում Ձեր մարզում/քաղաքում:
«Անկախ դիտորդի» կարճաժամկետ դիտարկման առարկան է.
- հանձնաժողովի նիստը մինչև քվեարկության մեկնարկը
- քվեարկության ընթացքը
- իրավիճակը տեղամասային կենտրոնի շրջակայքում
- ձայների հաշվարկը և ամփոփումը
Բաց կանչին արձագանքողներից ակնկալվում է.
- Հայաստանի ներքին քաղաքական իրավիճակի մասին տեղեկացվածություն և ընտրական գործընթացների դերի կարևորում
- Արդյունավետ և ոչ կոնֆլիկտային հաղորդակցման հմտություններ, ինչպես նաև համագործակցելու և արագ արձագանքելու պատրաստակամություն
- Դիտարկման արդյունքների մասին հստակ և մանրամասն տեղեկատվություն ներկայացնելու հմտություններ
- Երկօրյա պարտադիր դասընթացի մասնակցության հնարավորություն և պատրաստակամություն
- Գրավոր և բանավոր հայոց լեզվի գերազանց իմացություն
Դիմելու համար անհրաժեշտ է լրացնել ՕՆԼԱՅՆ ՀԱՅՏԱԴԻՄՈՒՄԸ
Լրացուցիչ տեղեկությունների համար կարող եք աշխատանքային օրերին և ժամերին զանգահարել ՀՔԱ Վանաձորի գրասենյակ՝ 077342268, 032272268 հեռախոսահամարներով կամ գրել independentobserverarm@gmail.com էլ. փոստի հասցեին: Կոնտակտային անձեր՝ Անտոն Իվչենկո, Արփի Հովհաննիսյան:
