Հելսինկյան քաղաքացիական ասամբլեայի Վանաձորի գրասենյակ

Այս օրերին ՀՔԱՎ-ը ահազանգեր է ստանում վարժական հավաքների իրականացման ընթացքում խախտումների մասին։

Ներկայացնում ենք հաճախ տրվող հարցերի պատասխաններ։

Այն պահեստազորայինները, որոնք ընտրվել են մասնակցելու վարժական հավաքներին, ըստ օրենքի՝ պետք է ծանուցվեն վարժական հավաքից առնվազն 20 օր առաջ հաշվառման վայրի զինվորական կոմիսարիատի կողմից տրված փաստաթղթային կամ էլեկտրոնային ծանուցման միջոցով։

Այդ ընթացքում անցնում են բժշկական հետազոտություն եւ փորձաքննություն։ Այս դեպքում քաղաքացիների հետազոտումը, փորձաքննությունը և բուժումը կատարվում է առաջնահերթ ու անվճար։

Քաղաքացու բժշկական փորձաքննության արդյունքներով տրվում է քաղաքացու առողջական վիճակի վերաբերյալ եզրակացություն, որի մեջ նշվում է.

ենթակա է կանչվելու վարժական հավաքի.

ենթակա չէ կանչվելու վարժական հավաքի:

Պարտադիր զինվորական ծառայությունից արձակված և պահեստազորում հաշվառված պահեստազորայինները կարող են վարժական հավաքի կանչվել զինվորական ծառայությունից արձակվելուց մեկ տարի հետո միայն։

Եթե հարցեր ունեք գործընթացի մասին կամ խախտվել են ձեր իրավունքները և ունեք իրավաբանական խորհրդատվության կարիք, կապ հաստատեք մեզ հետ հետևյալ կոնտակտներով․

Արմինե Սադիկյան

093339441

asadikyan@hcav.am

Մանրամասն՝ Հայտարարություն Հայաստանի Հանրապետությունում վարժական հավաքների իրականացման գործընթացի վերաբերյալ