0 8000 12 11

Մարդու իրավունքների պաշտպանության անվճար թեժ գիծ
menu

Զինվորի մահվան դեպքը չհայտնելը հին պրակտիկայի շարունակությունն է. Արթուր Սաքունց

February 11, 2019

Լրատվամիջոցները մեր մասին

Զինվորի մահվան դեպքի մասին չհայտնելը հին պրակտիկայի շարունակությունն է: Այս մասին Tert.am-ի հետ զրույցում ասաց Հայաստանի Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը:

 

«Եթե դուք տեսել եք զինված ուժերում մահվան դեպքերի վերաբերյալ մեր տեղեկանքը, ոչ միայն այս տարի, այլև նախորդ տարիներին, ոչ բոլոր մահվան դեպքերի մասին են հաղորդել: Այնպես չէ, որ սա նորություն է»,- նշեց Արթուր Սաքունցը:

 

Իրավապաշտպանի կարծիքով՝ զինծառայության հետ կապված բոլոր մահվան դեպքերի վերաբերյալ տեղեկությունը պետք է հրապարակվի:

 

«Պետության կողմից կյանքի իրավունքի պաշտպանությունը ենթադրում է ոչ միայն օբյեկտիվ քննություն մահվան ամեն մի դեպքով, այլ նաև դրա մեջ է մտնում հանրության իրազեկումը: Դա հանրային  նշանակության ինֆորմացիա է: Նախորդ տարիներին գոյություն ունեցող մոտեցումն արմատապես պետք է փոխվի, և մահվան յուրաքանչյուր դեպքի մասին պետք է հայտարարվի»,- ասաց ՀՔԱ Վանաձորի գրասենյակի ղեկավարը:

 

Ավելի վաղ Tert.am-ը հայտնել էր, որ Ամանորի գիշերը հրազենային վնասվածքից մահացել է ՀՀ ՊՆ պայմանագրային զինծառայող Էդգար Գրիգորյանը, սակայն դեպքի մասին Պաշտպանության նախարարությունն ու ՀՀ քննչական կոմիտեն որևէ տեղեկություն չեն հայտնել: Այս առնչությամբ պարզաբանում, ինչպես նաև տեղեկություն ստանալու համար Tert.am-ը գրավոր հարցումներ էր ուղարկել համապատասխան կառույցներին։

 

Պաշտպանության նախարարությունից Tert.am-ի հարցմանն ի պատասխան հայտնել էին. «2019 թվականի հունվարի 1-ին՝ ժամը 04:00-ի սահմաններում, ՀՀ ՊՆ N զորամասի մարտական դիրքի պահպանության տեղամասում կրծքավանդակի շրջանում ստացած հրազենային վնասվածքով հայտնաբերվել է նույն զորամասի պայմանագրային զինծառայող Էդգար Էդուարդի Գրիգորյանը:

 

Նա տեղափոխվել է Մեղրի ԲԿ, որտեղ ժամը 08:10-ին մահացել է»:

 

ՊՆ-ից հայտնել էին, որ դեպքի առթիվ Քննչական կոմիտեում հարուցվել է քրեական գործ ՀՀ ՔՕ-ի 110-րդ հոդվածի 1 մասով՝ ինքնասպանության հասցնելը: 

 

tert.am

Դիտումներ՝ 249

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը