Հելսինկյան քաղաքացիական ասամբլեայի Վանաձորի գրասենյակ

Հաստիքի անվանումը

Իրավաբան (Իրավական վերլուծությունների և նախաձեռնությունների մասնագետ)

Հիմնական պարտականությունները

• Մասնակցել դատական նիստերի մշտադիտարկման ուղեցույցների և հարցաշարերի մշակման աշխատանքներին 

• Կատարել ազգային օրենսդրության վերլուծություն և գնահատում՝ ըստ արդար դատաքննության իրավունքի միջազգային չափորոշիչների

• Ստուգել մշտադիտարկողների կողմից մուտքագրված հարցաթերթերը

• Ամփոփել մշտադիտարկման տվյալները և կազմել տեղեկանքներ

• Դատավորների, փաստաբանների, դատախազների հետ անցկացնել հարցազրույցներ 

• Մասնակցել ծրագրով նախատեսված միջոցառումների (դասընթացներ, քննարկումներ) կազմակերպչական աշխատանքներին

• Տվյալ պաշտոնի հետ կապված այլ պարտականություններ:

Ներկայացվող պահանջներ

☑️ Բարձրագույն իրավաբանական կրթություն

☑️ Աշխատանքային փորձ իրավաբանության ոլորտում (աշխատանքային փորձը դատական ոլորտում կդիտվի որպես առավելություն)

☑️ «ԴատաԼեքս» դատական տեղեկատվական համակարգում աշխատելու կարողություն

☑️ Վերլուծական հմտություններ

☑️ Համակարգչային հմտություններ

☑️ Հայերեն լեզվի գերազանց իմացություն, անգլերենի իմացությունը կդիտվի որպես առավելություն

☑️ Մարդու իրավունքների մասին գիտելիքներ և արժևորում

☑️ Հաղորդակցվելու հմտություններ, թիմում աշխատելու կարողություն

☑️ Պատրաստակամություն՝ մասնակցելու մասնագիտական վերապատրաստումների

☑️ Արտաժամյա աշխատանք կատարելու պատրաստակամություն

Կազմակերպության սկզբունքն է`  հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը, աշխատանքի նշանակումը, փոխհատուցումը կամ միջանձնային հարաբերությունները:  

📍 Աշխատավայր՝ ք. Երևան,  Արգիշտի 7/4 կամ ք․ Վանաձոր Տիգրան Մեծ 59

⏰ Աշխատաժամեր՝ 9:30-18:30

📩 Դիմել՝ ուղարկելով հայերեն լեզվով ինքնակենսագրական (PDF ֆորմատով)` hr@hcav.am էլ. փոստի հասցեին, վերնագրի դաշտում նշելով՝ «Իրավաբան-Իրավական վերլուծությունների և նախաձեռնությունների մասնագետ)», մինչև 2022 թ.-ի հունվարի 15-ը:

☑️ Ընտրված թեկնածուները կհրավիրվեն հարցազրույցի:

«Արդարացի դատաիրավական բարեփոխումներ» ծրագիրն իրականացվում է Բաց Հասարակության Հիմնադրամներ Հայաստանի (ԲՀՀ-Հայաստան) ֆինանսական աջակցությամբ՝ Հանրային լրագրության ակումբ (ՀԼԱ) և Իրավունքների պաշտպանություն առանց սահմանների (ԻՊԱՍ) հասարակական կազմակերպությունների հետ գործընկերությամբ: 

Ծրագրի հիմնական նպատակն է ապահովել Հայաստանում դատաիրավական ոլորտի  բարեփոխումների արդյունավետությունը և բարելավել համակարգի հաշվետվողականությունը, թափանցիկությունը՝ հանրային վերահսկողության միջոցով: 

Նպաստելով դատաիրավական ոլորտի բարեփոխումների պատշաճ իրականացմանը՝ ծրագիրը կխթանի կառավարման հաշվետվողականության մշակույթի զարգացմանը, որը ուղղված է ավելի կայացած ժողովրդավարություն ունենալուն: