0 8000 12 11

Մարդու իրավունքների պաշտպանության անվճար թեժ գիծ
menu

Մանկահասակ Լիա Միսակյան մահվան մեջ մեղադրված բժիշկների նկատմամբ լրացուցիչ պատիժ նշանակելու գործով դատարանը վճիռ կկայացնի

September 20, 2018

Գործունեություն | Իրավական աջակցություն | Իրավական աջակցություն | Լիա Միսակյան | Կյանքի իրավունք | Նորություններ | Ռազմավարական գործեր

 

2018 թ. սեպտեմբերի 20-ին ՀՀ Երևան քաղաքի ընդհանուր իրավասության դատարանը վերսկսեց 2013 թ. հունվարին մահացած 2 տարեկան, 3 ամսական Լիա Միսակյանի մահվան մեջ մեղադրված բժիշկների նկատմամբ լրացուցիչ պատիժ նշանակելու գործով դատաքննությունը:

 

Ամբաստանյալներ Լ. Վարդանյանի և Զ. Այվազյանի պաշտպանները չէին ներկայացել դատական նիստին. վերջիններս չառարկեցին դատական նիստը պաշտպանների բացակայությամբ անցկացնելու դեմ, ուստի՝ նիստը շարունակվեց Գիվի Հովհաննիսյանի ու Երեմ Սարգսյանի բացակայությամբ։

 

Դատարանը հայտնեց, որ գործի վերսկսումից հետո ստացվել է ՀՀ Ոստիկանության ինֆորմացիոն կենտրոնի տեղեկանքն այն մասին, որ ամբաստանյալներ Լ․ Վարդանյանը և Զ․ Այվազյանը նախկինում դատվածություն չունեն, դրանում առկա է նշում սույն գործով ՀՀ Քրեական օրենսգրքի 130-րդ հոդվածի 2-րդ մասով կրած դատվածության վերաբերյալ։

 

Կողմերը ՀՀ Ոստիկանության ինֆորմացիոն կենտրոնի տեղեկանքի վերաբերյալ դիրքորոշում չարտահայտեցին, և միջնորդությունների բացակայության պայմաններում դատարանն անցավ դատական վիճաբանությունների փուլին։

 

Մեղադրող Գ․ Աղաջանյանը, տուժողի իրավահաջորդի ներկայացուցիչ Տ․ Սիրադեղյանն ու ամբաստանյալները պնդեցին նախկինում ներկայացված ճառերը։ Կողմերը՝ ռեպլիկի, իսկ ամբաստանյալները՝ նաև վերջին խոսքով հանդես գալու ցանկություն չհայտնեցին։

 

Այդպիսով՝ դատարանը գործի քննությունը համարեց ավարտված և հեռացավ խորհրդակցական սենյակ՝ դատավճիռ կայացնելու, որը կհրապարակվի 2018 թ․ սեպտեմբերի 24-ին՝ ժամը 12։00-ին։

 

Դիտումներ՝ 946

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը


  • Տառաչափ
    A A A
  • Տառատեսակ
    arial verdana tahoma
  • Հաստություն
    regular light bold
  • Հեռավորություն
    1px 2px 3px
  • Գունային սխեմա
    Սևով սպիտակի վրա Սպիտակով սևի վրա
  • Ֆոնի գույնը
  • Տեքստի գույնը