Helsinki Citizens' Assembly-Vanadzor

menu

ԲՀՀ-Հայաստանի աշխատակիցների նկատմամբ Նարեկ Մալյանի հղած բռնության կոչերի հիմքով քրեական գործը դատարանում է

December 7, 2021

Գործունեություն | Իրավական աջակցություն | Իրավական աջակցություն | Հրապարակումներ | Նորություններ

Բաց հասարակության հիմնադրամներ-Հայաստանի գրասենյակի աշխատակիցների նկատմամբ Նարեկ Մալյանի հղած բռնության կոչերի հիմքով 2020 թ․ դեկտեմբերի 28-ին հարուցված քրեական գործը քննվում է Երևան քաղաքի ընդհանուր իրավասության դատարանում։

 

Քրեական գործը հարուցվել էր Հելսինկյան քաղաքացիական ասամբլեայի Վանաձորի գրասենյակի հաղորդման հիման վրա՝ ՀՀ քրեական օրենսգրքի 226․2 հոդվածի 1-ին մասով և 2-րդ մասի 1-ին կետով (Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը՝ մի խումբ անձանց կողմից նախնական համաձայնությամբ կամ կազմակերպված խմբի կողմից):

 

Հիմքում Բաց հասարակության հիմնադրամներ-Հայաստանի գրասենյակի մոտ Նարեկ Մալյանի արած հետևյալ հայտարարությունն է․ «Էս գրասենյակի աշխատակիցների պատասխանատվությունը ընդամենը օրեր անց տեղի ա ունենալու և ամենախիստ ձևով, օրեր անց, ես դա ձեզ խոստանում եմ։ Ես ամբողջ կյանքս ու ամբողջ գործունեությունս նվիրելու եմ ձեր նման պիղծերին պատասխանատվության կանչելու, սատկացնելու, մա՛հ դավաճաններին»։ Այս հայտարարությունը Ն․ Մալյանն արել է մի խումբ անձանց հետ ԲՀՀ-Հայաստանի գրասենյակի մոտ կարմիր ներկ լցնելուց հետո։

 

Երևան քաղաքի ընդհանուր իրավասության դատարանը, դատավոր Վ․ Գրիգորյանի նախագահությամբ, գործը նշանակել է դատաքննության։

 

Նարեկ Մալյանի նկատմամբ խափանման միջոց է ընտրվել ստորագրությունը՝ չհեռանալու մասին։

 

Նույն քրեական գործի շրջանակում քննվում են նաև ՀՀ վարչապետ Նիկոլ Փաշինյանի և ՀՀ իշխանության անդամների նկատմամբ, քաղաքական հայացքներով պայմանավորված, դիտավորությամբ հրապարակայնորեն բռնությունը՝ սպանությունը, արդարացնելու՝ Նարեկ Մալյանի և նրա աջակիցների գործողությունները։

 

Պատկերը վերցված է NEWS AM-ի տեսանյութից

 
 
Դիտումներ՝ 925

Leave a Reply

Your email address will not be published. Required fields are marked *

Հետադարձ կապ

Ընտրել համապատասխան կապը

  • ???????
    A A A
  • ?????????
    arial verdana tahoma
  • ???????????
    regular light bold
  • ??????????????
    1px 2px 3px
  • ???????? ?????
    ???? ??????? ??? ???????? ??? ???
  • ???? ??????
  • ?????? ??????