Հելսինկյան քաղաքացիական ասամբլեայի Վանաձորի գրասենյակ

ԵԱՀԿ Ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) Մարդկային չափման հարցերով Վարշավայում կայացած համաժողովում (HDIM) 2019 թ․ սեպտեմբերի 23-ին ելույթ է ունեցել Հելսինկյան քաղաքացիական ասամբլեայի Վանաձորի գրասենյակի նախագահ Ա․ Սաքունցը։ Նա անդրադարձել է Հայաստանում դատական իշխանության վիճակին՝ դատական իշխանության անկախության բացակայությանը։

Ապա անդրադարձել է նոր կառավարությանը։

«Կառավարությունը պետք է արմատական փոփոխություններ կատարի՝ համակարգային փոփոխություններ: Օրենսդրությունը պետք է փոփոխվի, որպեսզի ապահովվի դատական համակարգի անկախությունը: Նախկին կառավարության ներկայացուցիչները քննադատության էին արժանանում անկախ դատական համակարգի աշխատանքին ենթադրաբար միջամտելու համար: Բավականին հետաքրքիր է, որովհետև այն, ինչ բոլորին մտահոգում է, դատական համակարգի անձեռնմխելիությունն է: Մենք փաստացի հնձում ենք այն, ինչ ցանել ենք: Հիմա ժամանակն է, որ մենք ինչ-որ բան անենք, փոփոխություն կատարենք: Այս իրավիճակում կոչ եմ անում ԺՀՄԻԳ-ին և միջազգային համայնքին՝ անել հնարավոր ամեն բան՝ աջակցելու Հայաստանի իշխանություններին, որպեսզի մենք կարողանանք հաղթահարել բոլոր խոչընդոտները այդ ճանապարհին: ԺՀՄԻԳ-ը շատ լավ զեկույցներ ունի՝ դեռևս 2009 թ․ մարտի 1-ի դեպքերով գործերի դատական մոնիտորինգի վերաբերյալ, կան Համընդհանուր պարբերական դիտարկման զեկույցի, Եվրոպական խորհրդի առաջարկները: Հետևաբար` լիահույս ենք, որ կստանանք լայն աջակցություն՝ քաղաքացիական հասարակության հետ համագործակցությամբ»: